2025 jylǧy mamyrda üş jylǧa bas bostandyǧynan aiyrylǧan būrynǧy mädeniet jäne sport vise-ministrı Erlan Qojaǧapanov bostandyqqa şyqty. Işkı ıster ministrlıgınıŋ Qylmystyq-atqaru jüiesı komitetı äleumettık jelılerde taraǧan aqparatty rastap, Qojaǧapanovtyŋ sot şeşımımen merzımınen būryn bosatylǧanyn mälımdedı, dep habardaidy "Adyrna".
Komitettıŋ habarlauynşa, sot onyŋ jazasynyŋ ötelmegen bölıgın aiyppūlmen almastyru turaly şeşım qabyldaǧan.
«Jazany auystyru, şartty türde merzımınen būryn bosatu jäne ükımnıŋ oryndaluyna qatysty özge de mäseleler boiynşa materialdardy qarau jäne şeşım qabyldau tek sot organdarynyŋ qūzyretıne jatady», – dep tüsındırdı QAJK.
Eske salsaq, 2024 jylǧy nauryzda Sybailas jemqorlyqqa qarsy qyzmet Erlan Qojaǧapanovty auyr sybailas jemqorlyq qylmysyn jasady degen küdıkpen ūstaǧan bolatyn.
Keiın onyŋ ısı sotqa joldandy. Sybailas jemqorlyqqa qarsy ıs-qimyl agenttıgı töraǧasynyŋ orynbasary Darhan Qūraqbaevtyŋ aituynşa, ıs boiynşa keltırılgen şyǧyn kölemı 1 milliard teŋgeden asqan.
2025 jylǧy mamyrda sot Erlan Qojaǧapanovty kınälı dep tanyp, üş jylǧa bas bostandyǧynan aiyru turaly ükım şyǧarǧan edı.
Erlan Qojaǧapanov är jyldary Astana qalasy äkımınıŋ orynbasary, Sport jäne dene şynyqtyru ısterı agenttıgınıŋ töraǧasy, Qazaqstan futbol federasiiasynyŋ prezidentı, Mädeniet jäne sport vise-ministrı, Almaty äkımınıŋ bırınşı orynbasary, Premer-ministrdıŋ keŋesşısı jäne «Astana» futbol kluby direktorlar keŋesınıŋ töraǧasy qyzmetterın atqarǧan.
