التى جىلعا سوتتالىپ، كەيىن جازاسى جەڭىلدەتىلگەن قايرات بورانباەۆ بۇگىن بوستاندىققا شىقتى. بۇل تۋرالى ءىىم قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
نازارباەۆتىڭ بۇرىنعى قۇداسىنىڭ جازاسىنىڭ وتەلمەگەن بولىگى باس بوستاندىعىن شەكتەۋگە اۋىستىرىلدى. ەندى بورانباەۆ پروباتسيا قىزمەتىنىڭ باقىلاۋىندا بولادى.
باس بوستاندىعىنان ايىرۋ جازاسىنىڭ وتەلمەگەن بولىگى باس بوستاندىعىن شەكتەۋ تۇرىندەگى جازاعا اۋىستىرىلعان سوتتالۋشى قايرات بورانباەۆ 6 قاراشادا باس بوستاندىعىنان ايىرۋ ورنىنان بوساتىلدى جانە تۇرعىلىقتى جەرى بويىنشا جازاسىن وتەۋ ورنىنا جىبەرىلدى، - دەلىنگەن حابارلامادا.
ۇكىمدى اۋىستىرۋ كەزىندە كەلەسى ءمان-جايلار ەسكەرىلدى:
-
سوتتالعان ادام جازا مەرزىمىنىڭ 1/3 بولىگىن (2 جىل 4 اي 5 كۇن) وتەدى;
-
مەملەكەتكە كەلتىرىلگەن زالالدى تولىعىمەن وتەپ، تەرگەۋگە كومەكتەستى جانە ىسىنە وكىنەدى;
-
قاماۋدا ۇستاۋ كەزىندە وعان وڭ سيپاتتاما بەرىلدى.
