Túrikmenstannyń belgili saıası tutqyny Gúlgeldi Annanııazov 16 jyldan keıin bostandyqqa shyqty, dep habarlaıdy «Adyrna» tilshisi fergana.agency-ge silteme jasap.
Ol 1995 jyly 12 shildede Ashhabadta úkimetke qarsy demonstraııanyń segiz uıymdastyrýshysynyń biri boldy. Mıtıngti polıııa kúsh qoldanyp taratyp, Annanııazov pen basqa qatysýshylar 15 jylǵa deıin bas bostandyǵynan aıyryldy. 1999 jyly halyqaralyq quqyq qorǵaý uıymdarynyń qoldaýymen Annanııazovqa raqymshylyq jasaldy. Nátıjesinde ol Túrikmenstan aýmaǵynan ketpeý shartymen bosatylǵan edi.
2002 jyly dıssıdent Qazaqstanǵa qashyp ketti. Keıin 1 qyrkúıekte Reseıge kóship, elden baspana surady. Alaıda Reseı bıligi Annanııazovty jalǵan tólqujatpen kelýine baılanysty Qazaqstanǵa qaıtaryp jiberdi. Túrikmenstannyń sol kezdegi prezıdenti Saparmurat Nııazov dıssıdentti ekstradıııalaýdy talap etkenimen, Qazaqstan bıligi ony batysqa jiberdi.
Osylaısha Annanııazov Norvegııadan saıası baspana aldy.
2008 jyly Annanııazov Túrikmenstannyń jańa prezıdenti Gýrbangýly Berdimuhamedovtyń lıberaldyq reformalaryna senim artyp, Otanyna oralady. Alaıda dıssıdent elge oralý úshin Túrikmenstan bıliginen resmı ruqsat almaı, óz eline zańsyz kirgeni úshin 11 jylǵa sottaldy.
2019 jyldyń naýryzynda Annanııazovqa taǵaıyndalǵan túrme jazasy aıaqtaldy, biraq sot belsendini Garabogazdaǵy kolonııada bes jylǵa bas bostandyǵynan aıyrdy. Alaıda istiń mán-jaıy túsindirilmedi.
