Türıkmenstannyŋ belgılı saiasi tūtqyny Gülgeldı Annaniiazov 16 jyldan keiın bostandyqqa şyqty, dep habarlaidy «Adyrna» tılşısı fergana.agency-ge sılteme jasap.
Ol 1995 jyly 12 şıldede Aşhabadta ükımetke qarsy demonstrasiianyŋ segız ūiymdastyruşysynyŋ bırı boldy. Mitingtı polisiia küş qoldanyp taratyp, Annaniiazov pen basqa qatysuşylar 15 jylǧa deiın bas bostandyǧynan aiyryldy. 1999 jyly halyqaralyq qūqyq qorǧau ūiymdarynyŋ qoldauymen Annaniiazovqa raqymşylyq jasaldy. Nätijesınde ol Türıkmenstan aumaǧynan ketpeu şartymen bosatylǧan edı.
2002 jyly dissident Qazaqstanǧa qaşyp kettı. Keiın 1 qyrküiekte Reseige köşıp, elden baspana sūrady. Alaida Resei bilıgı Annaniiazovty jalǧan tölqūjatpen keluıne bailanysty Qazaqstanǧa qaitaryp jıberdı. Türıkmenstannyŋ sol kezdegı prezidentı Saparmūrat Niiazov dissidenttı ekstradisiialaudy talap etkenımen, Qazaqstan bilıgı ony batysqa jıberdı.
Osylaişa Annaniiazov Norvegiiadan saiasi baspana aldy.
2008 jyly Annaniiazov Türıkmenstannyŋ jaŋa prezidentı Gurbanguly Berdımūhamedovtyŋ liberaldyq reformalaryna senım artyp, Otanyna oralady. Alaida dissident elge oralu üşın Türıkmenstan bilıgınen resmi rūqsat almai, öz elıne zaŋsyz kırgenı üşın 11 jylǧa sottaldy.
2019 jyldyŋ nauryzynda Annaniiazovqa taǧaiyndalǧan türme jazasy aiaqtaldy, bıraq sot belsendını Garabogazdaǧy koloniiada bes jylǧa bas bostandyǧynan aiyrdy. Alaida ıstıŋ män-jaiy tüsındırılmedı.
