Roman Sklıar Ekibastuzda jylý berý maýsymy qalypty ótetinin aıtty, dep habarlaıdy "Adyrna" tilshisi.
Vıe-premer Roman Sklıar Ekibastuz jylý elektr ortalyǵy tolyǵymen retke keltirilgenin aıtty. Ortalyqty retke keltirý úshin bıýdjetten 8,2 mıllıard teńge bólinip, bes ystyq sý qazandyǵy kommýnaldyq menshikke ótken.
"Ony jylý elektr ortalyǵy dep aıtý qıyn. Ol 2009 jyly engizilgen. Siz jaqsy bilesiz, 12 megavatt óndiretin bir ǵana týrbına bar. Ol bul energııany tek óz tutynýyna beredi. Bul rentabeldi emes nysan. Taǵy bir JEO elektr energııasyna aqsha taýyp, rentabelsiz jylýdy teńestire alady. Biraq bul jerde, negizinen, úlken qazandyq tur. Biz barlyq 10 qazandyqty talapqa saı jańǵyrttyq. Barlyq jumystar aıaqtaldy. 500-den astam adam jumys istedi. Materıaldar aldyn ala jetkizildi. Ekibastuzda bıyl jylý berý maýsymy qalypty ótýi kerek", - dedi Roman Sklıar.
Vıe-premer jylý berý maýsymynda tek Ekibastuzǵa ǵana nazar aýdarý durys emes ekenin atap ótti.
"Sizder bizde problemaly Rıdder JEO stansasy bar ekenin jaqsy bilesizder, biraq ondaǵy úleskerler ony qalpyna keltirýge múldem kúsh salǵan joq. Respýblıkalyq bıýdjetten bólingen qarjyny paıdalanyp, ony retke keltirip, qazir kommýnaldyq menshikke alyp jatyrmyz, basqa óńirlerde problemaly jylý elektr stanııalary men jylý jelileri bar. Olarmen Energetıka mınıstrligi men úkimet maqsatty túrde jumys istedi. Qysqa mundaı aýqymdy daıyndyq buryn-sońdy bolmaǵan. Keıbir usaq apattar áli de oryn alýy múmkin ekenin joqqa shyǵarmaımyn. Degenmen, biz jylý berý kezeńi oıdaǵydaı ótetinine senimdimiz", - dedi ol.
Ótken jyldyń qarashasynda Ekibastuzdaǵy jylý elektr ortalyǵynda apat bolyp, saldarynan 30 gradýs aıazda kópqabatty turǵyn úıler, jeke sektor men birqatar áleýmettik nysandar jylýsyz qalǵan bolatyn.
