Vıe-premer ónerkásipti damytý jáne otandyq óndiris ósimin qamtamasyz etý sharalary týraly aqparatpen bólisti, dep habarlaıdy “Adyrna” ulttyq portaly.
Roman Sklıar Primeminister.kz saıtyna bergen suhbatynda elimizdiń áleýmettik-ekonomıkalyq damýy jáne Memleket basshysy Qasym-Jomart Toqaevtyń tapsyrmalaryn oryndaý boıynsha atqarylyp jatqan sharalar týraly suhbat berdi.
QR Premer-Mınıstriniń birinshi orynbasary Roman Sklıar ónerkásiptiń damýy men ekonomıkanyń naqty sektoryndaǵy negizgi oqıǵalarǵa toqtaldy.
Vıe-premerdiń sózinshe, Qazaqstan Úkimeti ónerkásiptiń barlyq salasyn qoldaıdy.
Elimizdiń barlyq ónerkásip salalary, onyń ishinde TKMK da memleketten qandaı da bir preferenııalar alady. Óz kezeginde Úkimet olardy otandyq ónimdi satyp alý kólemin ulǵaıtý arqyly óńirlerde shaǵyn jáne orta kásipkerliktiń ósýin yntalandyrýǵa shaqyrady.
Birinshi vıe-premer Roman Sklıardyń aıtýynsha, bul jumysty Qazindustry ınstıtýty kúndelikti júrgizedi. Bul rette iri jáne orta kompanııalar tarapynan tolyq túsinik qalyptasqan.
«Premer-Mınıstrdiń iri kompanııalardyń aldyna qoıǵan taǵy bir mindeti – qaıta bólinýi joǵary óndiristerdi damytý. Esterińizge sala keteıin, buǵan deıin bizdegi barlyq alıýmınıı eksportqa shyǵarylatyn. Tipten, alıýmınıı satyp alǵysy kelgen qazaqstandyq kompanııalar ony kórshi elden satyp alǵan kezder de bolǵan. Bastapqyda senimge kirý arqyly, keıinnen qajetti normatıvtik-quqyqtyq aktilerdi qabyldaı otyryp, biz ózimizdiń qaıta óńdeýshilerimiz úshin ishki baǵanyń London bırjasynan 5%-ǵa tómendeýine qol jetkizdik. Ótken jyly 51 myń tonna alıýmınıı el ishinde qaıta óńdeldi. Bul baǵytty biz ári qaraı jalǵastyramyz. Barlyq normatıvtik-quqyqtyq aktiler bar, iri kompanııalar óz shıkizatyn az jeńildikpen beredi, óndiristi uıymdastyrý úshin jaǵdaıdy jaqsartýǵa múmkindik beredi jáne tabysty arttyrady. Shıkizat naryǵyndaǵy qazirgi jaǵdaıdy eskersek, bul kompanııalardyń ózderine de tıimdi. Olar, árıne, salystyrmaly túrde tómen paıyzben, qymbat emes uzaqmerzimdi nesıeler suraıdy. Múmkindiginshe bul máselelerdi de sheshemiz», — dedi Roman Sklıar.
