Búgin Astanada Túrki memleketteri uıymynyń basshylary bas qosady, dep habarlaıdy «Adyrna» tilshisi «Habar 24»-ke silteme jasap.
Bıyl Túrki memleketteri uıymy basshylarynyń mereıtoılyq sammıtin Qazaqstan uıymdastyryp jatyr.
Aýqymdy sharaǵa uıymǵa múshe memleketter – Ázerbaıjan, Qyrǵyzstan, Túrkııa jáne Ózbekstan basshylary qatysady. Sondaı-aq sammıt jumysyna Majarstan men Túrikmenstan baqylaýshy el retinde qatysady.
Bul qurylym áý basta «Túrkitildes memleketterdiń yntymaqtastyq keńesi» dep atalǵan. Keıin «Túrki memleketteri uıymy» bolyp ózgerdi. 2021 jyly Ystambulda ótken sammıtte baýyrlas elder basshylary osylaı dep ózgertýge kelisti. Qurylymǵa múshe elder basshylarynyń alǵashqy sammıti 2011 jyly Almatyda ótken. Al byltyr Samarqanda ótken sammıtte kelesi jıynnyń Astanada ótetini belgili boldy.
Túrki áleminiń atajurty sanalǵan Qazaqstan uıymǵa múshe barlyq elmen jan-jaqty qarym-qatynasty damytýǵa aıryqsha mán beredi.
«Qazirgi almaǵaıyp kezeńde kólik-tranzıt kommýnıkaııasynyń áleýetin arttyrý jáne onyń múmkindigin barynsha paıdalaný asa mańyzdy. Sebebi bizdiń memleketterimiz batys pen shyǵysty, soltústik pen ońtústikti tikeleı baılanystyrady. Qazaqstan, Ázerbaıjan, Túrkııa arqyly ótetin Transkaspıı halyqaralyq kólik dálizi – sonyń jarqyn mysaly. Sondaı-aq bul uıymnyń halyqaralyq arenada mártebesi ósip keledi. Munda kóterilgen birqatar másele sheshimin tapty»,—dedi Prezıdent janyndaǵy QSZI bas sarapshysy Bolat Áýelbaev.
Túrki yntymaqtastyǵyna uıytqy bolǵan uıymdardyń tarıhyn zerdelesek, olardyń kópshiligine Qazaqstan bastamashy bolǵan. Túriksoı, TúrkPA jáne Túrki akademııasy – sonyń aıqyn dáleli. Bul uıymdar baýyrlas elderdiń mádenı-rýhanı jaqyndasýyna ólsheýsiz úles qosyp otyr. Ásirese keıingi jyldary uıym aıasyndaǵy baılanystar nyǵaıa túsken. Qazaqstannyń Túrki memleketteri uıymyna múshe eldermen ózara taýar aınalymy da arta tústi. Dálirek aıtqanda, 2010–2022 jyldar aralyǵynda elimizdiń uıymǵa múshe eldermen aradaǵy taýar aınalymy 3 ese ósti. Sóıtip, 4,5 mlrd dollarlyq kólemnen 12,9 mlrd dollarǵa jetti. Máselen, jaqynda ǵana elimizdiń parlamenti Túrki ınvestıııalyq qoryn qurý týraly kelisim ratıfıkaııalady. Bul degenimiz túrki memleketteriniń ekonomıkalyq damýyna mańyzdy serpin berilmek.
Eske sala keteıik, naýryz aıynda Memleket basshysy Túrki memleketteri uıymynyń mereıtoılyq sammıti Túrkistanda ótetinin aıtqan edi.
