Prezidenttıŋ halyqaralyq ekologiialyq yntymaqtastyq jönındegı arnauly ökılı Zülfiia Süleimenovanyŋ Qazaqstan men Japoniia memlekettık jäne jeke sektorlarynyŋ bırlesken komissiiasynyŋ 8-şı otyrysy aiasynda Japoniiaǧa barǧan sapary aiaqtaldy. Būl turaly äleumettık jelıdegı paraqşasyna jazdy, dep habarlaidy “Adyrna” ūlttyq portaly.
Sapar barysynda ol Memlekettık Syrtqy ıster ministrı Kieto Sudjimen jäne Qorşaǧan ortany qorǧau vise-ministrı Iýtaka Matsuzavamen kezdestı.
“Jiynda yntymaqtastyqty tereŋdetu mäselelerı, onyŋ ışınde jasyl jäne klimattyq tehnologiialar salasyndaǧy mäseleler, dekarbonizasiia, sondai-aq, «Ortalyq Aziia - Japoniia» dialogy aiasyndaǧy yntymaqtastyqty nyǧaitu talqylandy. Serıktester Memleket basşysynyŋ BŪŪ qamqorlyǧymen 2026 jyly Astanada öŋırlık klimattyq sammit ötkızu turaly bastamasyn joǧary baǧalap, onyŋ maŋyzdylyǧyn atap öttı”, dep jazdy Zülfiia Suleimenova.
Sondai-aq, Halyqaralyq ekologiialyq yntymaqtastyq ortalyǧynyŋ (OECC) prezidentı Kadzu Takemotomen de kezdesu ötkızdı.
“Japoniianyŋ bırlesken nesielık mehanizmı (JCM) şeŋberınde dekarbonizasiia jobalaryn ıske asyru perspektivalary talqylandy. OECC JCM şeŋberınde jobalardy äzırleitın jäne verifikasiialaityn negızgı ūiym bolyp tabylady. Sondai-aq klimattyq jäne ekologiialyq tehnologiialardyŋ transfertı mümkındıkterı talqylandy”, dedı Prezident keŋesşısı.
Japoniia halyqaralyq yntymaqtastyq bank (JBIC) basqaruşy atqaruşy direktory Tasuşi Amanomen kezdesu ötkızılgenı aityldy. Kezdesu barysianda yntymaqtastyqty damytu jäne banktıŋ Qazaqstandaǧy qyzmetın keŋeitu perspektivalary talqylanǧan.
“Bank jüzege asyryp jatqan Ekonomikalyq ösu men tabiǧatty saqtaudy bırıktıru jönındegı jahandyq äreketı (GREEN) jäne Jahandyq investisiialardy keŋeitu mehanizmı talqylandy. Osy baǧyttaǧy dialogty jalǧastyru kelısıldı.
Parlamenttıŋ Syrtqy ıster vise-ministrı Eichi Fukazavamen de äŋgıme jürgızıldı. Sapar aiasynda, Japoniianyŋ Ūlttyq Saiasi zertteuler institutynyŋ prezidentı Hiroko Otamen jäne atqaruşy vise-prezident Masako Kurosavamen kezdesu ötkızıldı”, dep sözın qorytyndylady.
