Májilis alańynda Bas prokýrordyń orynbasary Jandos Ómirálıev Abaı oblysyndaǵy órtke qatysty tergelip jatqan qylmystyq ister aıasynda mınıstrler men ákimderden jaýap alynatynyn aıtty, - dep habarlaıdy "Adyrna" tilshisi.
Bas prokýror orynbasarynyń aıtýynsha, tergeý endi ǵana bastalǵandyqtan, sheneýnikterdiń áreketi áli saralanǵan joq.
«Qylmystyq isti tergep-tekserý sheńberinde óz mindetterine, qyzmetine adaldyq tanytpaǵan, jaýapsyz qaraǵan, sonyń saldarynan óz mindetterin oryndamaǵan, osyndaı qaıǵyly oqıǵalarǵa jáne bizdiń azamattarymyzdyń ólimine ákep soqqan jaıtqa qatysty barlyq laýazymdy tulǵalardyń sheńberi anyqtaldy», - dedi Ómirálıev.
Jýrnalıster Bas prokýrordyń orynbasaryna eks-Tótenshe jaǵdaılar mınıstri Iýrıı Ilın, Ekologııa mınıstri Zýlfııa Súleımenova, sondaı-aq Abaı oblysynyń ákimi Nurlan Uranhaev pen Shyǵys Qazaqstan oblysynyń ákimi Danıal Ahmetovten jaýap alýǵa qatysty saýal qoıdy.
"Olardan jaýap alynatyny sózsiz. Basqa da tergeý áreketteri qazir jedel-izdestirý sıpatynda júrgizilýde», - dep jaýap berdi Bas prokýrordyń orynbasary.
"Adyrna" ulttyq portaly
