Aýzyn tigip tastaǵan marafonshy, Azamattyq belsendi, "Alǵa, Qazaqstan!" saıası partııasyn qurýshy bastamashyl toptyń jetekshisi Marat Jylanbaev tigisin alǵany habarlandy. Bul týraly QazTAG jarııalady, dep habarlaıdy “Adyrna” ulttyq portaly.
«1 qarashada sottalýshy M.T.Jylanbaev aýzyn jippen tigip, tamaqtan bas tartý týraly aryz bergen. Ol óz áreketin Astana qalasynyń qylmystyq ister jónindegi mamandandyrylǵan aýdanaralyq sotynyń 2 qarashaǵa belgilengen jabyq sot otyrysyn ótkizýimen kelispeıtindigimen túsindiredi», - dep habarlady beısenbi kúni departamenttiń baspasóz qyzmeti.
Vedomstvoda atap ótkendeı, Jylanbaevtyń «mekeme ákimshiliginiń qyzmetkerlerine shaǵymy joq».
«Sol kúni mekeme basshylyǵymen profılaktıkalyq áńgime júrgizilgennen keıin sottalýshy M.T.Jylanbaev tigisin alyp tastady. Medıınalyq kýálandyrý kezinde Jylanbaev Marattyń densaýlyǵyna shaǵymy joq, jalpy jaǵdaıy qanaǵattanarlyq. Ol qosymsha tekserýlerden jáne medıınalyq mamandardyń keńesinen bas tartty», - dep tolyqtyrdy vedomstvodan.
Eske salaıyq, Jylanbaevqa"ekstremıstik uıymnyń jumysyna qatysty, ony qarjylandyrdy" deıtin aıyp taǵyldy.
