Astana prokýratýrasy Eljan Birtanovty 6 jyl merzimde bas bostandyǵynan aıyrý týraly úkim shyǵarýdy surady, dep jazady "Adyrna" ulttyq portaly "Interfaks-Qazaqstan" saıtyna silteme jasap.
"Onyń qylmystyq-atqarý júıesiniń ortasha qaýipsiz mekemesinde jazasyn óteýin jáne memlekettik qyzmette jumys isteý quqyǵynan ómir boıy shektelýin ótine otyryp, 6 jyl bas bostandyǵynan aıyrý túrindegi jaza taǵaıyndaýdy suraımyn", - dedi prokýror Baýyrjan Shekenov seısenbide ótken qos taraptyń jaryssózinde.
Prokýror, munymen qosa, sottyń E. Birtanovty "Qurmet" ordeninen aıyrý týraly Prezıdentke usynys jasaýyn surady.
Burynǵy QR Densaýlyq saqtaý mınıstri Birtanovqa qylmystyq kodekstiń 361-bap 3-bóligi (jaýapty memlekettik laýazymdy atqaratyn adamnyń laýazymdyq ókilettikterin teris paıdalanýy) boıynsha aıyp taǵylǵan.
Este sala keteıik, Eljan Birtanov 2020 jyldyń maýsymynda qyzmetinen bosatyldy. Sol jyldyń qazanynda qamalyp, odan keıin sot sankııasymen myrzaqamaqqa alyndy. Kúdikke iligý sebebi - bıýdjet qarajatyn asa iri mólsherde ysyrap etýi jáne sanıtarlyq avıaııanyń áýe kemesin jeke maqsattary úshin paıdalanýy.
Birtanovtyń jaqtastary qarsy taraptyń áreketin "ınızmniń shegi" dep aıyptady. Olar eks-mınıstrdiń sanavıaııa qyzmetin Taraz saparynda koronavırýs juqtyrmaý úshin paıdalanǵan aıtty.
"Adyrna" ulttyq portaly
