Semeide 13 jastaǧy ekı oquşy arasynda janjal bolyp, olardyŋ bırı synyptasyn pyşaqpen jaralaǧan, dep habarlaidy "Adyrna" tılşısı.
Oqiǧaǧa qatysty sotqa deiıngı tergeu bastaldy.
Oqiǧa mektepten tys jerde, balalar sabaqtan keiın üilerıne qaityp bara jatqan kezde bolǧan. Aldyn ala mälımet boiynşa, oquşylardyŋ arasynda tüsınıspeuşılık tuyndaǧan.
Jaraqat alǧan bala körşı üige özdıgınen jetıp, kömek sūraǧan. Keiın ol auruhanaǧa jetkızıldı. Balanyŋ denesınen 15 pyşaq jaraqaty anyqtalǧan.
Därıgerlerdıŋ mälımetınşe, jasöspırımnıŋ ış quysyna pyşaq jaraqaty ötıp, oŋ jaq büiregı men ış maiy zaqymdanǧan. Sondai-aq ış quysyna qan ketken jäne denesı men aiaq-qolynda bırneşe jaraqat bolǧan.
Balaǧa tört saǧatqa juyq operasiia jasalǧan. Ol üş täulık jansaqtau bölımınde em qabyldady. Qazır därıgerler onyŋ jaǧdaiyn ortaşa auyr dep baǧalap otyr.
Oqiǧaǧa qatysqan ekınşı oquşy da auruhanaǧa jetkızılgen. Onyŋ jaraqaty medisinalyq öŋdeuden ötkızılgennen keiın üiıne jıberılgen. Polisiianyŋ mälımetınşe, ol üiınde jür jäne qolhat negızınde baqylauda.
Ekı jasöspırım de Semeidegı №52 mekteptıŋ bır synybynda oqidy. Mektep äkımşılıgınıŋ mälımetınşe, balalar būǧan deiın qūqyq būzuşy retınde esepte tūrmaǧan jäne bır-bırımen dos bolǧan.
Polisiia būl faktı boiynşa sotqa deiıngı tergeu jürgızıp jatyr. Qazır oqiǧanyŋ barlyq män-jaiy anyqtaluda.
Kämeletke tolmaǧandardyŋ qūqyqtyq märtebesı men oqiǧaǧa qatysty tüpkılıktı şeşım tergeu nätijesınde belgılenedı.
