2012-2013 jyldary áke-sheshem birinen soń biri ómirimen qoshtasty. Qandaı aýyr soqqy bolǵanyn ishterińiz sezetin bolar. Odan ózge de janǵa salmaq túsirgen máseleler boldy. Saldarynan ózimniń de densaýlyǵym syr bere bastady. Qan qysymym kóterilip, sol jaq bóligim jansyzdana bastady. Sýdorog ustap, qalshyldap jatyp qalatyn kezderim de jıilep ketti. Ondaı kezde áne-mine ómirmen qoshtasatyn bolarmyn degen sanany úreı bılep alatyn. Júrek dárigerine baramyn, neshe túrli aparatpen tekseredi, qaıta-qaıta qabyldaýǵa jazylamyn, báribir dym tappaıdy. Nevropotogqa joldaıdy, olar dym anyqtaı almaıdy. “Júrek durys, tek salmaq túsken sııaqty” deıdi. Túrli vıtamınder, jaǵdaıdy jeńildetetin dárilerdi shamalap, topshylap jazyp beredi. Ásirese, qan-tamyrlardy keńitetin kapelnıanyń paıdasy bolǵandaı. Biraq, ol da ýaqytsha ǵana jeńildik beredi. 2016 jyldyń aıaq kezinde úshinshi qyzym Tumar oınap júrip oqystan qulap aıaǵyn syndyryp aldy. Joldasym tórtinshi balamyzdy ómirge ákelgenine bir aı da bolmaǵan kezi edi, aıaǵyn syndyryp alǵan qyzymmen birge ózim aýrýhanaǵa jattym. Ol kezde deneme áldene tıse de, aýa juta almaı tynysym tarylyp qalatyn. Balam túnde qorqyp jylaıdy, ákesin qushaqtap uıqtaǵysy keledi. Al men bolsa, tynysym tarylyp, aýa juta almaı qınalyp shyǵamyn. Shydaı almaı bas dárigerge baryp, qan-tamyrlardaǵy qannyń júrisin jaqsartatyn dári (kapelnıa) alyp qabyldaýǵa ruqsat suradym. Árıne, ruqsat bermedi. Aq samaıly jasy úlken er kisi, travmatolog balalar dárigeri meniń qujattarymdy qarap, aıtqanym boıynsha aýrý belgilerin qarap shyǵyp, úsh jyl boıy bosqa sandalyp júrgen dertimdi naqty atap berdi. Insýlt aldyndaǵy (oǵan jetpegenine shúkir) nevrologııalyq másele eken. Qaıda emdelý kerektigimdi de baǵyttap jiberdi. “Qalqaman” jaqtaǵy aýrýhananyń aqyly nevrologııa bólimi. Sol jaqqa baryp, tutas aqyly tekseristen ótip, 3 jyl anyqtaı almaı júrgen dertimdi 3 kúndi naqty bilip shyqtym. Moıyn julyndary qısaıyp, mıǵa durys qan, ottegi jetkizbeıdi eken. “Protýzııa” deıdi. “Qoryqpa, úreılengen saıyn aýrý asqynady, budan adam ólmeıdi” dedi. Qorqynyshym seıildi. Julyn-júıke jattyǵýlaryn kórsetip berdi.
Bir apta em-domnan keıin bir jyl basseın men ıogaǵa baryp, úıde, tabıǵatta jattyǵý jasap júrip jaqsy bolyp kettim. Psıhologııalyq, motıvaııalyq kitaptardyń da paıdasy tıdi. Ómirdi basqasha dúnıetanymmen qaıta bastadym dese de bolady. Bul kúnde óz ishki jan-dúnıemde rettilik, úılesimdilik júıesin qalyptastyrýǵa tyrysamyn. Múlde dárigerge barýdy qoıyp kettim. 5 jyldan asty. Bul endi bólek taqyryp.
Negizgi aıtpaǵym, kópshilik dárigerler durys dıagnoz qoıa almaı sandaltady. Almatyda jaǵdaı osylaı bolsa, basqa aımaqtar týraly múlde sózimiz joq. Álde em alyp bastaǵanǵa deıin de konsýltaııa arqyly molyraq aqsha taýyp qalýdy kózdeı me? Álde shynymen biliktiligi jetpeı me? Nege adam ómirine nemquraıly qaraýdy ádetke aınaldyrǵan? Qarap otyrsaq, osydan birneshe jyl burynǵy jaǵdaı esh ózgermepti.
