Senattyń jalpy otyrysy Qaraǵandydaǵy Kostenko atyndaǵy shahtada qaza tapqan kenshilerdi bir mınýt únsizdikpen eske alýdan bastaldy. Bul týrady Senattyń baspasóz qyzmeti málimdedi, dep habarlaıdy “Adyrna” ulttyq portaly.
Qaraǵandy oblysyndaǵy shahtada oryn alǵan qaıǵyly jaǵdaı bárimizdiń qabyrǵamyzdy qaıystyrdy. Osy jaǵdaıǵa baılanysty Memleket basshysy Qasym-Jomart Toqaevtyń Ókimimen elimizde Jalpyulttyq aza tutý jarııalandy. Budan bylaı qaıǵyly oqıǵaǵa sebepshi bolǵan «ArselorMıttal Temirtaý» kompanııasymen elimiz ınvestıııalyq yntymaqtastyqty toqtatady. Prezıdent tapsyrmasyna sáıkes, zardap shekken azamattarǵa jan-jaqty qoldaý jasalady. Rasymen, osyndaı qıyn sátte qoǵam bolyp jumylýdyń jáne ózara demeý bolýdyń mańyzy zor. Sondyqtan mezgilsiz qaıtys bolǵandardyń otbasylaryna, týǵan-týystaryna Senattyń atynan taǵy da kóńil aıtyp, qaza tapqandardy bir mınýt únsizdikpen eske alaıyq, - dedi Senat spıkeri Máýlen Áshimbaev.
Eske sala keteıik, Qaraǵandy oblysyndaǵy Kostenko shahtasynda apat bolyp, 46 kenshi qaza tapqan bolatyn.
