Qaraǧandy oblysyndaǧy şahtada bolǧan apatqa bailanysty eks-prezident Nūrsūltan Nazarbaev pen “ArselorMittal Temırtau” (AMT) kompaniiasynyŋ negızgı investory Lakşmi Mittal köŋıl aitpady, dep habarlaidy “Adyrna” ūlttyq portaly.
Tūŋǧyş prezident soŋǧy ret el közıne 11 mausym künı Abai oblysyndaǧy örtten qaza tapqan orman şaruaşylyǧy qyzmetkerlerınıŋ otbasyna köŋıl bıldırgende şyqqan. Sodan berı qaida, ne ıstep jürgenı belgısız.
Al Qazaqstanda “ArselorMittal Temırtau” (AMT) kompaniiasynyŋ negızgı investory Lakşmi Mittaldy qylmystyq jauapkerşılıkke tartudy talap etetın petisiiaǧa qol jinau bastaldy.
Qazaqstan prezidentı Qasym-Jomart Toqaevtyŋ atyna qaiyrylǧan petisiia avtorlary soŋǧy 15 jylda atalǧan nysanda 100-den astam adam qaza tapqanyna toqtalyp, būl körsetkıştıŋ jyl ötken saiyn artyp jatqanyn basa aitqan.
“Bız, petisiiaǧa qol qoiǧan azamattar, "ArselorMittal Temırtau" kompaniiasynyŋ qojaiyny Lakşmi Mittal men menedjerı Palavatha Krişnannyŋ qyzmetkerlerdıŋ qauıpsızdıgın qamtamasyz etude äreketsızdıkke barǧany üşın qylmystyq jauapkerşılıkke tartudy talap etemız! Sondai-aq kompaniiadaǧy eŋbek jaǧdaiyn tekseruı tiıs memlekettık qyzmetkerlerdı de esten şyǧarmau kerek!”, – delıngen qūjatta.
Petisiia avtorlary sonymen qosa soŋǧy 5 jylda "ArselorMittal Temırtau" kompaniiasynyŋ tabysy 1 trln teŋgenı qūraǧanyn aitady.
ŞAHTADAǦY APATQA KÖŊIL BILDIRGENDER KIMDER?
Qasym-Jomart Toqaevtyŋ atyna Qaraǧandy oblysyndaǧy ken ornynda bolǧan apat saldarynan köptegen adamnyŋ qaza tabuyna bailanysty şet memleketterdıŋ basşylarynan, sondai-aq halyqaralyq ūiymdardyŋ jetekşılerınen köŋıl aitu jedelhattary kelude.
Qytai Halyq Respublikasynyŋ Töraǧasy Si Szinpin qaiǧyly oqiǧaǧa bailanysty Prezident Qasym-Jomart Toqaevqa jäne Qazaqstan halqyna köŋıl aitty.
«Qazaqstannyŋ Qaraǧandy oblysyndaǧy şahtada bolǧan apat saldarynan köptegen adamnyŋ qaza tapqany turaly suyt habardy tereŋ küizelıspen qabyldadym. Qytai Ükımetınıŋ jäne halqynyŋ, sondai-aq özımnıŋ atymnan qaitys bolǧan azamattardyŋ otbasylary men jaqyn tuystaryna qaiǧyryp köŋıl aitamyn», – dep jazylǧan jedelhatta.
Fransiia prezidentı Emmanuel Makron Kostenko şahtasyndaǧy apatqa bailanysty qazaq tılınde köŋıl aitty. Sondai-aq, köŋıl aitu jedelhattaryn Bolgariia Prezidentı Rumen Radev, Armeniia Prezidentı Vaagn Hachaturian, Bosniia jäne Gersegovina Prezidiumynyŋ Töraǧasy Jelka Sviianovich, AÖSŞK Bas hatşysy Qairat Sarybai, Ūjymdyq qauıpsızdık şarty jaily ūiymnyŋ (ŪQŞŪ) Bas hatşysy İmanǧali Tasmaǧambetov jäne Resei prezidentı Vladimir Putin, Belarus prezidentı Aleksandr Lukaşenko de joldady.
