Qoǧam qairatkerı Säken Seifullinnıŋ videosy tabyldy. Jazuşy beinelengen būl kadrlar 1935 jyly Qazaq avtonomiiasynyŋ qūrylǧanyna 15 jyl toluyna orai tüsırılgen. Taspany tapqan Ahmet Baitūrsynūly atyndaǧy Tıl bılım institutynyŋ ǧylymi qyzmetkerı Ermūhamet Maralbek Qazaqstan ūlttyq arnasyna tıkelei bailanysqa şyǧyp, Mäskeu mūraǧatynan taǧy qandai qūndy derekterdı kezdestırgenın aityp berdı, dep habarlaidy «Adyrna» ūlttyq portaly.
«İnstituttyŋ ahmettanu bölımınıŋ zertteu baǧyty boiynşa jürgızılıp jatqan «Ahmet Baitūrsynūlynyŋ jazu reformasy: teoriiasy men täjıribesı» grant jobasy aiasynda Maskeudegı memlekettık arhivke üş ǧalym barǧan bolatynbyz. Resei memlekettık kino-fotoqūjattar mūraǧatynda boldyq. Sol arhivtıŋ qūjattar katalogymen tolyq tanysyp, özımızge qajettılerın qaraǧanda Säken Seifullin beinejazbasy kezdeisoq qolymyzǧa tüstı», - dedı E. Maralbek QAZAQSTAN arnasyna bergen sūhbatynda.Sonymen qatar S.Seifullinmen bırge Oraz Jandosov, Älıbi Jangeldin siiaqty qairatkerlerdıŋ beinejazbasy osynda tüsırılgen.
«Būdan bölek bız Mäskeu mūraǧatynan öte qūndy derekter bar. Uaqyttyŋ tyǧyzdyǧyna bailanysty olarmen köp jūmys jasai almadyq. Bıraq qolymyzǧa tüskendı alyp keldık. HH ǧasyrdyŋ 1925-26 jyldary Qazaqstan kompartiiasyn basqarǧan memleket qairatkerlerınıŋ videosy tabyldy. Sonymen bırge Resei memlekettık Lenin atyndaǧy kıtaphanasynyŋ sirek qoljazbalar qorynda jūmys ıstedık. Osy qoljazbalar qorynda Alaş qairatkerlerınıŋ, memleket qairatkerlerınıŋ köptegen eŋbekterı saqtalǧan. Sol eŋbekterdıŋ köşırmelerın, sonymen bırge Qyrǧyzdyŋ memleket qairatkerı jäne qyrǧyz älıpbiınıŋ avtory Qasym Tynystanov turaly derekter men eŋbekterın taptyq. Sondai-aq A.Baitūrsynūly turaly ǧylymi ainalymda joq, eş jerde kezdespegen bırneşe eŋbekterı tabyldy. Bıraq ol turaly älı de zertteuler jalǧasuda. Aldaǧy uaqytta zertteu nätijesın jariialaityn bolamyz», - dep atap öttı Ermūhamet Maralbek."Alaşorda" partiiasy men Alaş qozǧalysyna qarsy bolyp, onyŋ müşelerın quǧyndauǧa qatysqan Säken Seifullinge 1923 jylǧy aqpannyŋ 15-ınde «Eŋbekşıl qazaq» gazetınde jaryq körgen «Qazaqty «qazaq» deiık, qatenı tüzeteiık» maqalasynan keiın Mäskeu tarapynan «ūltşyl» degen ataq japsyryldy. 1924 jyly qaŋtarda Lenindı jerleu räsımıne qazaqstandyq delegasiiany basqaryp barǧan Säken Seifullin sol jyly qaraşada halyq komissarlar sovetınıŋ töraǧasy qyzmetınen bosatyldy. Osy kezeŋde būrynǧy bolşevikterdıŋ öz ışınde bilıkke talas küşeiıp, oǧan kommunistık partiia qataryna keiın kırgen «alaşordalyqtardyŋ» yqpaly kürt östı. 1938 jylǧy aqpannyŋ 25-ıne auǧan tünı Almatyda sovet bilıgınıŋ ükımımen 39 adam bır demde atyldy. Olardyŋ 14-ı Säken Seifullin, Temırbek Jürgenov tärızdı sovettık Qazaqstan ükımetınıŋ müşelerı bolǧan.
«Adyrna» ūlttyq portaly
