قوعام قايراتكەرى ساكەن سەيفۋلليننىڭ ۆيدەوسى تابىلدى. جازۋشى بەينەلەنگەن بۇل كادرلار 1935 جىلى قازاق اۆتونومياسىنىڭ قۇرىلعانىنا 15 جىل تولۋىنا وراي تۇسىرىلگەن. تاسپانى تاپقان احمەت بايتۇرسىنۇلى اتىنداعى ءتىل ءبىلىم ينستيتۋتىنىڭ عىلىمي قىزمەتكەرى ەرمۇحامەت مارالبەك قازاقستان ۇلتتىق ارناسىنا تىكەلەي بايلانىسقا شىعىپ، ماسكەۋ مۇراعاتىنان تاعى قانداي قۇندى دەرەكتەردى كەزدەستىرگەنىن ايتىپ بەردى، دەپ حابارلايدى «ادىرنا» ۇلتتىق پورتالى.
«ينستيتۋتتىڭ احمەتتانۋ ءبولىمىنىڭ زەرتتەۋ باعىتى بويىنشا جۇرگىزىلىپ جاتقان «احمەت بايتۇرسىنۇلىنىڭ جازۋ رەفورماسى: تەورياسى مەن تاجىريبەسى» گرانت جوباسى اياسىندا ماسكەۋدەگى مەملەكەتتىك ارحيۆكە ءۇش عالىم بارعان بولاتىنبىز. رەسەي مەملەكەتتىك كينو-فوتوقۇجاتتار مۇراعاتىندا بولدىق. سول ءارحيۆتىڭ قۇجاتتار كاتالوگىمەن تولىق تانىسىپ، وزىمىزگە قاجەتتىلەرىن قاراعاندا ساكەن سەيفۋللين بەينەجازباسى كەزدەيسوق قولىمىزعا ءتۇستى»، - دەدى ە. مارالبەك QAZAQSTAN ارناسىنا بەرگەن سۇحباتىندا.سونىمەن قاتار س.سەيفۋللينمەن بىرگە وراز جاندوسوۆ، ءالىبي جانگەلدين سياقتى قايراتكەرلەردىڭ بەينەجازباسى وسىندا تۇسىرىلگەن.
«بۇدان بولەك ءبىز ماسكەۋ مۇراعاتىنان وتە قۇندى دەرەكتەر بار. ۋاقىتتىڭ تىعىزدىعىنا بايلانىستى ولارمەن كوپ جۇمىس جاساي المادىق. بىراق قولىمىزعا تۇسكەندى الىپ كەلدىك. حح عاسىردىڭ 1925-26 جىلدارى قازاقستان كومپارتياسىن باسقارعان مەملەكەت قايراتكەرلەرىنىڭ ۆيدەوسى تابىلدى. سونىمەن بىرگە رەسەي مەملەكەتتىك لەنين اتىنداعى كىتاپحاناسىنىڭ سيرەك قولجازبالار قورىندا جۇمىس ىستەدىك. وسى قولجازبالار قورىندا الاش قايراتكەرلەرىنىڭ، مەملەكەت قايراتكەرلەرىنىڭ كوپتەگەن ەڭبەكتەرى ساقتالعان. سول ەڭبەكتەردىڭ كوشىرمەلەرىن، سونىمەن بىرگە قىرعىزدىڭ مەملەكەت قايراتكەرى جانە قىرعىز ءالىپبيىنىڭ اۆتورى قاسىم تىنىستانوۆ تۋرالى دەرەكتەر مەن ەڭبەكتەرىن تاپتىق. سونداي-اق ا.بايتۇرسىنۇلى تۋرالى عىلىمي اينالىمدا جوق، ەش جەردە كەزدەسپەگەن بىرنەشە ەڭبەكتەرى تابىلدى. بىراق ول تۋرالى ءالى دە زەرتتەۋلەر جالعاسۋدا. الداعى ۋاقىتتا زەرتتەۋ ناتيجەسىن جاريالايتىن بولامىز»، - دەپ اتاپ ءوتتى ەرمۇحامەت مارالبەك."الاشوردا" پارتياسى مەن الاش قوزعالىسىنا قارسى بولىپ، ونىڭ مۇشەلەرىن قۋعىنداۋعا قاتىسقان ساكەن سەيفۋللينگە 1923 جىلعى اقپاننىڭ 15-ىندە «ەڭبەكشىل قازاق» گازەتىندە جارىق كورگەن «قازاقتى «قازاق» دەيىك، قاتەنى تۇزەتەيىك» ماقالاسىنان كەيىن ماسكەۋ تاراپىنان «ۇلتشىل» دەگەن اتاق جاپسىرىلدى. 1924 جىلى قاڭتاردا لەنيندى جەرلەۋ راسىمىنە قازاقستاندىق دەلەگاتسيانى باسقارىپ بارعان ساكەن سەيفۋللين سول جىلى قاراشادا حالىق كوميسسارلار سوۆەتىنىڭ توراعاسى قىزمەتىنەن بوساتىلدى. وسى كەزەڭدە بۇرىنعى بولشەۆيكتەردىڭ ءوز ىشىندە بيلىككە تالاس كۇشەيىپ، وعان كوممۋنيستىك پارتيا قاتارىنا كەيىن كىرگەن «الاشوردالىقتاردىڭ» ىقپالى كۇرت ءوستى. 1938 جىلعى اقپاننىڭ 25-ىنە اۋعان ءتۇنى الماتىدا سوۆەت بيلىگىنىڭ ۇكىمىمەن 39 ادام ءبىر دەمدە اتىلدى. ولاردىڭ 14-ءى ساكەن سەيفۋللين، تەمىربەك جۇرگەنوۆ ءتارىزدى سوۆەتتىك قازاقستان ۇكىمەتىنىڭ مۇشەلەرى بولعان.
«ادىرنا» ۇلتتىق پورتالى
