«QazMūnaiGaz» būǧan deiın käsıpker Qairat Boranbaevqa tiesılı bolǧan mūnai öndıruşı «Phystech II» kompaniiasyn öz menşıgıne aldy. Būl turaly Qarjylyq eseptılık depozitariiınde jariialanǧan derekterden belgılı boldy, dep habarlaidy «Adyrna» tılşısı.
Maŋǧystau oblysyndaǧy Soltüstık Qarajanbas ken ornynda mūnai-gaz öndıretın käsıporyn 29 mamyrda ūlttyq kompaniianyŋ teŋgerımıne berılgen.
2023 jylǧy qazan aiynda «Phystech II» kompaniiasy Qarjy ministrlıgınıŋ Memlekettık mülık jäne jekeşelendıru komitetınıŋ menşıgıne 35,4 mlrd teŋgege ötken bolatyn. Odan keiın būl aktiv «Samūryq-Qazyna» qorynyŋ basqaruyna berılıp, ol ony Memlekettık mülık komitetınen 8,1 mlrd teŋgege satyp alǧan. Keiınnen bilık kompaniiany jekemenşıkke beru josparyn qarastyrǧan.
2023 jylǧy 3 qazanǧa deiın Phystech II-nıŋ jalǧyz aksionerı tıkelei Qairat Boranbaevtyŋ özı bolǧan. Keiın kompaniianyŋ 99,28%-y «Qazstroiproekt-A» investisiialyq-developerlık JŞS-nıŋ ielıgıne ötken. Al resmi türde kompaniia Qarjy ministrlıgınıŋ menşıgıne 2024 jyldyŋ II toqsanynda ǧana berılgen.
«Phystech II» geologiialyq barlau jäne ızdestıru jūmystaryn jürgızedı, mūnai ken oryndaryn igerumen jäne mūnai öndırumen ainalysady. Kompaniia 2015 jyly Maŋǧystau oblysynyŋ Aqtau qalasynda tırkelgen.
