Qaraǧandy oblysy Memleket basşysynyŋ bastamasymen jariialanǧan Jūmysşy mamandyqtar jyly aiasynda jaŋa deŋgeige köterılude. Öŋırde 300 myŋǧa juyq jūmysşy maman eŋbek etedı, būl oblystyŋ ekonomikalyq äleuetın aiqyndaityn maŋyzdy körsetkış.
Älıbek Äldeneidıŋ sözınşe, öŋırde barlyǧy 52 kolledj jūmys ısteidı. Qazırgı taŋda būl oqu oryndary segız negızgı baǧyt boiynşa käsıbi maman daiarlauǧa beiımdelude. Atap aitsaq, bılım beru, qūrylys, energetika, IT jäne bailanys, tau-ken önerkäsıbı, jeŋıl önerkäsıp, maşina jasau jäne auyl şaruaşylyǧy salalary qamtylǧan.
Sonymen qatar, Temırtau men Qaraǧandydaǧy ekı politehnikalyq kolledjdı halyqaralyq akkreditteuden ötkızu josparda bar. Būl studentterge älemdık standarttarǧa sai bılım alyp, käsıbi bılıktılıktı jetıldıruge mümkındık beredı.
Biyl kolledjderge arnalǧan granttar sany 1100-ge artty, al studentter sany 9200-ge jettı. Oqu baǧdarlamalaryna käsıporyndardaǧy praktikalyq sabaqtar men şeberlık synyptary engızılude. Būl studentterdıŋ teoriialyq bılımderın öndırıstık täjıribemen ūştastyruyna yqpal etedı.
Memleket qoldauy jūmysşy mamandyqtardy damytuda ülken röl atqaruda. Aimaqtaǧy käsıbi kadrlar el ekonomikasynyŋ damuyna eleulı üles qosyp, ūlttyq ekonomikanyŋ tıregıne ainalmaq. «Eŋbek tübı – bereke» degen qaǧida osy bastamalardyŋ basty ūstanymy bolmaq.
Ūqsas jaŋalyqtar
