Apattyq qutqarý qyzmeti dırektorynyń orynbasary Jumat Ókenov jarylys oryn alǵan kenishtegi zardap shekken azamattardy izdeý jumystarynyń barysymen bólisti, dep habarlaıdy «Adyrna» ulttyq portaly.
Onyń aıtýynsha, shahtanyń shyǵys bóliginen 14-15 adamnyń denesi tabylǵan.
«6 adamdy shyǵardyq, 11 adamdy bir saǵattyń kóleminde shyǵaramyz. Shyǵys jaǵynan taǵy adamdardy tasymaldap jatyrmyz. Bular tabylǵan 33 kenshiniń qataryna kiredi. 13 adam múlde tabylmaı jatyr. Keıbir máıitterdi, tipti taný múmkin bolmaı jatyr. Bólshektenip ketken, aıaǵy bir jaqta, basy bir jaqta. Sol sebepten aty-jónderin habarlaý ázirge qıyn bolyp tur.
Qazirgi kezde órt tolyqtaı sóndirildi. Bastapqy kezde bul da bizge kedergi keltirgen bolatyn», – dedi maman.
Jumat Ókenovtyń sózinshe, buǵan deıin tabylǵan 33 adamnyń denesi kózge kórinetin betki jaqta jatqandyqtan tabylǵan. Qalǵan 13 kenshini tabý qıynǵa túsip tur, olar úıindi astynda qalýy da múmkin.
«Adyrna» ulttyq portaly
