AQSh-tyń Vashıngton qalasyndaǵy Ronald Reıgan atyndaǵy halyqaralyq áýejaı mańynda áskerı tikushaq pen jolaýshylar ushaǵy soqtyǵysyp, qaıǵyly oqıǵa oryn aldy, dep habarlaıdy "Adyrna" ulttyq portaly Fox News-ke siltep.
Bul týraly AQSh prezıdenti Donald Trampqa baıandalǵanyn Aq úıdiń baspasóz hatshysy Karolın Levıtt BAQ-qa málimdegen.
"Prezıdent Tramp bul oqıǵa týraly qulaǵdar. Aldyn ala málimetterge sáıkes, áskerı Sikorsky tikushaǵy men Bombardier aımaqtyq jolaýshylar ushaǵy áýejaı mańynda soqtyǵysqan", – dedi Levıtt.
AQSh senatory Ted Krýz apattyń adam shyǵynymen aıaqtalǵanyn málimdedi.
Federaldyq azamattyq avıaııa basqarmasynyń málimetinshe, Bombardier jolaýshylar ushaǵy shamamen 70 adamǵa deıin tasymaldaı alatyn áýe kemesi bolǵan. Basqarma áýejaıdyń barlyq reısterdi qabyldaý men jiberýdi ýaqytsha toqtatqanyn habarlady. Oqıǵanyń aldyn ala derekterine sáıkes, shaǵyn áýe kemesi soqtyǵys saldarynan ózenge qulaǵan.
Qazirgi ýaqytta apat ornynda órt sóndirýshiler men qutqarýshylar jumys isteýde. AQSh bıligi apattyń sebepterin anyqtaýǵa kiristi.
