"ArcelorMittal" bolǧan apatty jaǧdaiǧa bailanysty mälımdeme jasady, dep habarlaidy «Adyrna» ūlttyq portaly.
"Bügın taŋerteŋ Kostenko şahtasynda bolǧan apat turaly habardan keiın «ArselorMittal Temırtau» qyzmetkerlerınıŋ bastan keşken mūŋy men qaiǧysyn sözben jetkızu mümkın emes. Būl – ärıptesterdıŋ otbasy üşın, bärımız üşın ülken qaiǧy. Şahtada qūtqaru jūmystary jalǧasuda, 24 şahter älı tabylǧan joq, 22-ınıŋ qaza tapqany rastaldy. Jaqyndarynan aiyrylǧandardyŋ otbasylaryna şyn jürekten köŋıl aitamyz. Barlyq zardap şekken qyzmetkerler keşendı kütım men oŋaltu kömegın alady. Bızdıŋ küş-jıgerımız däl osyǧan, sondai-aq memlekettık organdarmen tyǧyz yntymaqtastyqqa baǧyttalǧan", - delıngen baspasöz habarlamasynda.Sondai-aq bügın Qazaqstan ükımetı habarlaǧandai, ekı tarap «ArselorMittal Temırtau» kompaniiasynyŋ bolaşaǧyna qatysty kelıssözder jürgızgenın jäne jaqynda Qazaqstan Respublikasyna menşık qūqyǧyn beretın mämıle boiynşa aldyn ala kelısımge qol qoiǧanyn rastaitynyn jetkızdı.
"ArcelorMittal" mümkındıgınşe kedergılerdı barynşa azaitu üşın osy tranzaksiiany mümkındıgınşe tezırek aiaqtauǧa mındettenedı. Ekı tarap ta bolat zauytynda, temır jäne kömır kenışterınde jūmys ısteitın adamdardyŋ, sondai-aq operasiialardy qoldaityn qauymdastyqtyŋ müddelerıne sai keletın nätijege qatty köŋıl böledı. Qajet bolǧan jaǧdaida qosymşa mälımdemeler jasalady", - dep atap öttı kompaniia basşylyǧy.
«Adyrna» ūlttyq portaly.
Ūqsas jaŋalyqtar
