Qazaqstan musylmandarynyń dinı basqarmasy Palestınada bolyp jatqan qantógiske qatysty málimdeme jasady, dep habarlaıdy «Adyrna» tilshisi.
«Adamzat balasyn birlik pen ıgilikke shaqyrǵan paıǵambarlar izi qalǵan qasıetti mekenniń búginde soǵys alańyna aınalyp, myńdaǵan beıkúná jandardyń, ásirese sábıler men beıbit turǵyndardyń oqqa ushyp, qaza tabýy barshamyzdyń janymyzǵa qatty batýda. Aýyr jaraqat alyp, úreı qushaǵynda ómir súrip otyrǵan jandardyń tez saýyǵyp ketýin tileımiz»,—delingen habarlamada.
Dinı basqarma taraptardy beıbit kelisimge kelýge jáne qantógisti shuǵyl toqtatyp, halyqqa zarar keltirmeýge shaqyrydy.
«Palestına halqynyń halyqaralyq kelisimder men rezolıýııalarda bekitilgen tarıhı quqyǵyn qoldaıtyndyǵyn málimdeımiz.
Elimizdegi barsha musylman qaýymyn qasıetti mekenniń tynyshtyǵy men amandyǵy úshin duǵa jasaýǵa shaqyramyz. Alla Taǵala jer betin túrli búlikter men soǵystan aman etkeı»,—dep jazdy QMDB-nyń baspasóz qyzmeti.
