kris_p_talgar paraqshasynda jarııalanǵan vıdeoda Almaty oblysyndaǵy Talǵar qalasymen shektesetin Keńdala aýylynyń jańa bas jospar máselesi talqylanǵan qoǵamdyq tyńdaýdyń sońy «zańsyzdyqqa» ulasty, dep habarlaıdy "Adyrna" ulttyq portaly.
Vıdeoda jergilikti bılik Keńdala aýyldyq okrýgindegi saıajaılarǵa aýyl mártebesin bergisi keletini, sondyqtan turǵyndarǵa jańa bas jospar usynǵany aıtylǵan. Alaıda, úıleri súriletin turǵyndar ótemaqy mólsherin naqty aıtpaǵandyqtan, munymen kelispeıdi.
Bul másele talqylanǵan birinshi tyńdaý emes ekeni habarlandy. Biraq bul joly sharany uıymdastyrýshylar «daýys berýdi kádimgi taza paraqtarda ótkizýge sheshim qabyldady». Bólmedegi kez kelgen adam daýys bere alady. Al mundaı mańyzdy kezdesý týraly olarǵa bir kún buryn ǵana habarlanǵan.
Beınejazba avtorlary kezdesýde saıajaılarǵa esh qatysy joq adamdar jınalǵanyn alǵa tartady. Al keıbir jeke tulǵalardyń áreketi arandatýshylyq dep atalady.
"Adamdar keldi, olardyń kópshiligi saıajaı aımaǵyndaǵy jyljymaıtyn múliktiń ıesi emes. Nelikten olar sheshim qabyldap, qol qoıady? Bul qandaı daýys berý? Nelikten el úkimetiniń atynan shyqqan adamdar menshik ıesiniń quqyǵyn buzady?" – dep tańǵaldy kommentatorlardyń biri.
"Adyrna" ulttyq portaly
