Almaty áýejaıynyń pafospen ashylǵan jańa termınaly áli iske qosylǵan joq. Bul týraly tanymal PR sarapshysy Ásel Qaraýlova áleýmettik jelidegi paraqshasynda jazdy, dep habarlaıdy “Adyrna” ulttyq portaly.
«Qatar Airways bizdiń reısimiz jańa termınaldan bolatyny týraly elektrondyq hat jiberdi. Biz kútýmen portqa bardyq. Biraq shyndyq basqasha bolyp shyqty – sol baıaǵy eski termınal, úlken kezekter, keptelis jáne taǵy basqalary. Ádettegideı olar áli jumys isteı qoımaǵan jańa termınaldy ásemdikpen ashty», - dep jazdy Karaýlova beısenbi kúni áleýmettik jelidegi paraqshasynda.
Ol jańa termınaldyń jumysyna «tehnıkalyq» aqaýlar kedergi boldy dep boljaıdy.
«Shamasy, bul taǵy da «tehnıkalyq aqaý». Sondyqtan ýaqytyńyzdy josparlańyz jáne erte kelińiz, adam sany kóp», - dep qosty Qaraýlova.
Esterińizge sala keteıik, 1 maýsymda jańa áýejaı termınaly ashylǵannan keıin alǵashqy reısterin oryndaǵanyn habarlanǵan bolatyn.
