Oralda student qyz segızınşı qabattan sekırıp ketken. Būl turaly Batys Qazaqstan oblysy polisiia departamentınıŋ mälımdedı, dep habarlaidy “Adyrna” ūlttyq portaly.
Mälımet boiynşa, oqiǧa 21 qazan künı bolǧan.
Saǧat 13.20 şamasynda 1 kursta oqityn 17 jastaǧy qyz jataqhananyŋ 8-qabatynan sekırıp ketken. Saldarynan auyr jaraqat alǧan student Oral qalasyndaǧy oblystyq köpbeiındı auruhanaǧa jatqyzyldy. Atalǧan derek boiynşa Oral qalasy polisiia basqarmasynyŋ Abai polisiia bölımı QR QK 105-baby 3-bölıgıne säikes (özın-özı öltıruge deiın jetkızu) sotqa deiıngı tergeu bastady, – delıngen polisiia habarlamasynda.
Al BQO densaulyq saqtau basqarmasy saǧat 13.40-ta J.Dosmūhamedov köşesı boiyndaǧy jataqhanadan oblystyq jedel järdem stansiiasyna qoŋyrau tüskenın habarlady.
Aqparatqa säikes, nauqas jansaqtau bölımınde jatyr, jaǧdaiy öte auyr. Qazırgı kezde oqiǧanyŋ män-jaiy anyqtalyp jatyr.
