ورالدا ستۋدەنت قىز سەگىزىنشى قاباتتان سەكىرىپ كەتكەن. بۇل تۋرالى باتىس قازاقستان وبلىسى پوليتسيا دەپارتامەنتىنىڭ مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، وقيعا 21 قازان كۇنى بولعان.
ساعات 13.20 شاماسىندا 1 كۋرستا وقيتىن 17 جاستاعى قىز جاتاقحانانىڭ 8-قاباتىنان سەكىرىپ كەتكەن. سالدارىنان اۋىر جاراقات العان ستۋدەنت ورال قالاسىنداعى وبلىستىق كوپبەيىندى اۋرۋحاناعا جاتقىزىلدى. اتالعان دەرەك بويىنشا ورال قالاسى پوليتسيا باسقارماسىنىڭ اباي پوليتسيا ءبولىمى قر قك 105-بابى 3-بولىگىنە سايكەس ء(وزىن-ءوزى ولتىرۋگە دەيىن جەتكىزۋ) سوتقا دەيىنگى تەرگەۋ باستادى، – دەلىنگەن پوليتسيا حابارلاماسىندا.
ال بقو دەنساۋلىق ساقتاۋ باسقارماسى ساعات 13.40-تا ج.دوسمۇحامەدوۆ كوشەسى بويىنداعى جاتاقحانادان وبلىستىق جەدەل جاردەم ستانتسياسىنا قوڭىراۋ تۇسكەنىن حابارلادى.
اقپاراتقا سايكەس، ناۋقاس جانساقتاۋ بولىمىندە جاتىر، جاعدايى وتە اۋىر. قازىرگى كەزدە وقيعانىڭ ءمان-جايى انىقتالىپ جاتىر.