Almaty qalasynyŋ jüktemesın azaitu maqsatynda megapolis maŋynan jaŋa oqu kampustaryn salu josparlanyp otyr, dep habarlaidy "Adyrna" ūlttyq portaly.
Būl turaly «Almatybasjospar» ǧylymi-zertteu institutynyŋ bas direktory Ashat Saduov qoǧamdyq tyŋdau kezınde mälımdedı.
Qoǧamdyq talqylau barysynda qala syrtynda tūratyn studentter universitetke jetu üşın bırneşe saǧat jol jüretının aityp, oqu oryndaryn qala şetıne köşıru mümkındıgın köterdı.
«Men oquǧa jetu üşın üş jarym saǧat uaqytymdy jūmsaimyn. Universitetterdı qala şetınen saluǧa bola ma?» – degen saual qoiyldy.
Ashat Saduov būl mäselenı şeşu üşın Almaty maŋynda «Ǧylym qalasyn» salu jospary bar ekenın eske saldy. Onyŋ aituynşa, BAKAD boiynda 500 gektar aumaqty qamtityn ırı joba äzırlenıp jatyr.
Būl qadam Almatydaǧy qoldanystaǧy universitetterdıŋ şamadan tys jüktemesın azaituǧa baǧyttalǧan.
"Ekı joba da ükımettıŋ baqylauynda. Ǧylym qalasy men Alatau aumaǧynda köptegen kampustar josparlanyp otyr. Būl studentter aǧynyn tiımdı taratuǧa mümkındık beredı", – dedı «Almatybasjospar» direktory.
Alaida jobalardyŋ naqty ıske asu merzımı men qai universitetterdıŋ köşırıletını äzırge belgısız.
