Jaŋa oqu jylynyŋ basyna taman Almatyda studentterge arnap jataqhanada, hostelde, qonaq üi men joǧary oqu ornynyŋ qaita jabdyqtalǧan ǧimaratynda jalpy sany 61,2 myŋ oryn daiyndap qoiady. Soŋǧy bır jylda studenttık jataqhanadaǧy oryn tapşylyǧy 23,7 myŋnan 5,7 myŋǧa deiın, iaǧni şamamen tört esege qysqardy.
Öŋırlık kommunikasiialar qyzmetınde ötken brifingte Almatynyŋ jastar saiasaty basqarmasynyŋ basşysy Aziz Qajdenbek qalaǧa basqa öŋırden keletın studentterdı ornalastyruǧa qalai qam jasap jatqandaryn aityp berdı.
Almaty elımızdegı eŋ ülken bılım beretın ortalyq. Qazır qaladaǧy 35 joǧary oqu ornynda 221 myŋ student bılım alyp jatyr. Onyŋ 149 myŋy basqa öŋırden kelgen. Baspanaǧa da osy sanattaǧy studentter köbırek mūqtaj.
Aziz Qajdenbektıŋ aituynşa, studenttık tūrǧyn üige de sūranys artqan. Biyl 30 094 memlekettık bılım beru granty bölınıptı. Būl byltyrǧymen salystyrǧanda 700-ge, 2024 jylmen salystyrǧanda 1 600-ge köp. Sonymen qatar joǧary oqu ornynyŋ aqyly bölımıne qūjat qabyldau 28 tamyzǧa deiın jalǧasatyndyqtan, studentterdıŋ naqty sany älı naqtylanyp jatyr.
«Bız qazırdıŋ özınde yqtimal sūranysty eskere otyryp, daiyndyq jūmysyn jürgızıp jatyrmyz. Soŋǧy bır jylda jataqhana ornynyŋ tapşylyǧy edäuır azaidy. 2025 jyly 23,7 myŋ oryn tapşy bolsa, biyl būl körsetkış 5,7 myŋǧa deiın tömendep, tört esedei azaiyp otyr, – deidı Aziz Qajdenbek.
Tapşylyqtyŋ azaiuyna bırneşe jaǧdai äser etken. 47 myŋdai tülek jataqhanadaǧy ornyn bosatyp, grantty qaita bölıptı. Sonymen qatar qalada jaŋa studentter üiı de aşyla bastady. Qazır Almatyda 136 studenttık jataqhana jūmys ısteidı. Onyŋ 43-ı 2023 jyldan berı paidalanuǧa berılgen. Byltyr rekordtyq körsetkışke – 4,5 myŋ tösek-orynǧa qol jetkızıptı. Qazır jataqhanada 46,2 myŋ student tūrady. Būl byltyrǧydan 6 myŋǧa köp.
Jyldyŋ soŋyna deiın qalada taǧy 4 658 orynǧa arnalǧan 13 nysan aşylmaqşy. 287 oryndyq ekı jataqhana qaita jaŋǧyrtudan keiın paidalanuǧa berıledı. 4 371 studentke arnalǧan taǧy 11 jaŋa ǧimarat bar arasynda. Sonymen qatar qala balama tūrǧyn üi qoryn da keŋeitıp jatyr. Hostelder men qonaq üide studentterge qazırdıŋ özınde 11 myŋ oryn qarastyrylǧan. Bır jyl būryn būl körsetkış 9 myŋ oryn bolypty.
Qosymşa qordy universitetterdıŋ özı de ızdestırıp jatyr. Bos tūrǧan äkımşılık ǧimarattar men basqa da nysandardy studentterge arnap qaita beiımdei bastady. Osy arqyly taǧy 4 myŋ oryn daiyndau josparlanǧan.
«1 qyrküiekke deiın Almatyda barlyǧy 61,2 myŋ oryn daiyn bolady. Būl – jataqhanalar, hostelder, qonaqüiler men joǧary oqu oryndarynyŋ ışkı rezervterı. Biyl studentterge ūsyna alatyn jalpy tūrǧyn üi qory – osy», – dedı jastar saiasaty basqarmasy basşysy.
Jaŋa jataqhana saludyŋ taǧy bır baǧyty – investorlar tartu. 2023 jyldan bastap äkımdık bastamasymen Almatyda jobalyq keŋse jūmys ısteidı. Onyŋ mamandary investorlarǧa qoldau körsetıp, rūqsat beretın qūjattaryn räsımdeuge, studenttık jataqhana saluǧa berıletın nesieler boiynşa paiyzdyq mölşerlemenı subsidiialau tetıgın tüsındıruge kömektesedı.
Jappai ornalasar kezde qalada konsultasiialyq ortalyqtyŋ da jūmysy küşeidı. 10 tamyzdan bastap Qazaq ūlttyq qyzdar pedagogikalyq universitetınıŋ bazasynda, Bögenbai batyr köşesı, 142 mekenjaiynda situasiialyq ortalyq jūmys ısteidı. Onyŋ janynda täulık boiy ısteitın koll-ortalyq bar. Oǧan täulıgıne 1,5 myŋnan astam qoŋyrau tüsedı. Keŋes alu üşın myna nömırge habarlasyŋyz: +7 700 950 95 28, +7 727 237 01 70.
Studentterge qai jerde ornalasuǧa bolatyny, jataqhanaǧa qalai ötınış beru kerektıgı, oryn berılmegen jaǧdaida ne ısteu qajet ekenı jäne qiyn jaǧdaida qaida jügınu kerektıgın tüsındıredı. Osyndai ortalyqtar Almatydaǧy barlyq joǧary oqu ornynyŋ janynda jūmys ısteidı.
Taǧy bır şara – qonystanu künderı qandai da bır sebeppen baspanasyz qalǧan studentterge uaqytşa tūrǧyn üi ūsynu. 22 tamyzda ALT University-dıŋ №1 Studentter üiınde, Maulenov köşesı, 108A mekenjaiynda 50 oryndyq Daǧdarys ortalyǧy aşylady.
«Eger student qonystanu künı qandai da bır sebeppen baspanasyz qalsa, bız ony jalǧyz qaldyrmaimyz. Ony uaqytşa ornalastyryp, keiın tūraqty tūratyn jer tabuǧa kömektesemız», – dep atap öttı Aziz Qajdenbek.
Studentterdı jataqhanaǧa ornalastyru 25 tamyzda, joǧary oqu ornyndaǧy oqu prosesı 1 qyrküiekte bastalady. Osy kezeŋde qalanyŋ barlyq jauapty qyzmetı küşeitılgen jūmys rejimıne köşedı. Sonymen qatar qalada bos oryndardyŋ sany ǧana emes, studentterdıŋ jatyn jerı de baqylauda bolady. Jataqhanany jyl saiyn ekı kezeŋ boiynşa qoǧamdyq ūiymdardyŋ ökılderı, deputattar, ükımettık emes ūiymdar men erıktıler tekserıp tūrady.
Biyl baqylaudyŋ bırınşı kezeŋı 30 mausym men 3 şılde aralyǧynda öttı. Tekseru qorytyndysy boiynşa bölmedegı ylǧaldylyq, jihazdyŋ tozuy, sanitarlyq-gigienalyq jaǧdai, su men santehnikanyŋ aqauy, tereze men esıktıŋ jai-küiı, sondai-aq abattandyru men jataqhanany kütıp ūstau siiaqty alty negızgı mäsele anyqtalypty.
Är eskertu boiynşa joǧary oqu ornyna tiıstı ūsynys berıldı. Qazırgı uaqytta anyqtalǧan kemşılıkter bekıtılgen kestege säikes joiylyp jatyr.
Tekserudıŋ ekınşı kezeŋı 18-25 tamyz aralyǧynda ötı jatyr. Mamandar būǧan deiın anyqtalǧan kemşılıktıŋ joiylǧan-joiylmaǧanyn tekserıp, jataqhananyŋ jaŋa oqu jylyna daiyndyǧyna qorytyndy jasaidy.
«Bız qajettı oryn sanyn qamtamasyz etıp qana qoimai, studentterdıŋ jatyn jerı qanadi ekenıne de qaraimyz. Jataqhanalardyŋ jaǧdaiyna qatysty bırde-bır eskertu nazardan tys qalmaidy», – dedı spiker.
Jastar saiasaty basqarmasynyŋ mälımetınşe, qazırgı taŋda Almatydaǧy studentterdı ornalastyru jaǧyn baqylauda ūstap otyr. Qala bilıgı biylǧy oqu jylyndaǧy qajettılıktı tolyq qamtamasyz etıp qana qoimai, aldaǧy jyldary studentter sany men tūrǧyn üige degen sūranystyŋ ösuın aldyn ala eskeruge mümkındık beretın jüie qalyptastyrudy josparlap otyr.
«1 qyrküiekke deiın barlyq qajettı şarany qabyldap, basqa öŋırden kelgen baspanaǧa mūqtaj är studenttıŋ qoljetımdı ärı jaily tūrǧyn üige qol jetkızuın qamtamasyz etu mındetımız», – dep tüiındedı Aziz Qajdenbek.
