Ǧylym jäne joǧary bılım ministrı Saiasat Nūrbek jataqhanaǧa ornalasuǧa kelgen, qalada tuystary joq studentter Daǧdarys ortalyǧynda tünep şyǧa alatynyn aitty, dep habarlaidy "Adyrna".
«Bızdıŋ Daǧdarys ortalyǧynda qiyn jaǧdaida qalǧan studentter üşın arnaiy 55 oryn bölıngen. Mysaly, tüngı üşte qalaǧa kelgen studenttı, eger eşkımge habarlasa almai, jataqhana jabyq tūryp, baratyn jerı bolmasa, bız bırden daǧdarys ortalyǧyna jıberemız. Älgı bala sol jerde tünep, taŋerteŋ asyqpai jataqhanasyn ızdeidı», - dep tüsındırdı Saiasat Nūrbek Ükımette ötken baspasöz mäslihatynda.
Ministrdıŋ aituynşa, qazır Almatyny qospaǧanda barlyq öŋırde jataqhana mäselesı şeşılgen. Al Almaty şaharynda älı 10 myŋǧa juyq tösek-oryn tapşy. Sondyqtan jataqhanaǧa jaiǧastyru kezınde basymdyq bırınşı kurs studentterıne berıledı.
«Bızde Ahual ortalyǧy ıske qosylǧan, ötken aptada resmi türde aştym», - degen ol Ahual ortalyǧynyŋ Almaty qalasy boiynşa bailanys nömırlerın körsettı.
«Eger universitet jataqhana turaly aqparat ūsynbasa nemese jataqhanadan oryn jetpese, studentter osy Ahual ortalyǧyna jügıne alady. Mūndai jaǧdaida bız basqa joǧary oqu oryndarynan bos oryn ızdeimız. Iаǧni bır universitette artyq oryndar qalsa, bız oǧan basqa universitettıŋ studentterın jaiǧastyramyz», - dedı Saiasat Nūrbek.
Ministrlık jataqhanadan oryn jetpegen studentterdı hostelge de ornalastyrady.
«Būl üşın arnaiy komissiia qūrylǧan. Komissiia barlyq hosteldı jylyna üş ret tekserıp otyrady. Bız studentterdı dalada qaldyrmaimyz», - dep sendırdı vedomstvo basşysy.
