" Meniń portretterimdi kabınetterińde ilmeńder, prezıdenttiń portreti ıkona emes. Shoqynatyn Isa paıǵambardyń beınesi emes. Odan da otbasylaryńnyń, balalaryńnyń sýretterin ilińder. Qyzmetterińdi atqarǵanda solardyń kózderine uıalmaı qaraıtyn bolyńdar". Árıne bul- popýlızm, biraq qandaı ádemi aıtylǵan sózder. Maıdan revolıýııasy kloýndardan qaıratkerler jasady. Prezıdent bolarynyń aldynda ol shoýmen bolǵan. Al basqa elderde, ásirese Ortalyq Azııada zańdy prezıdentterden saıasat kloýn jasady.
Túrkimenstannyń sońǵy prezıdenti gıtara tartyp, nemerelerimen án salady, atqa shabady, biraq Túrkmenstan halqy nan men unǵa jarymaı otyr. Tájikstanda ózara bılikke talasyp, azamat soǵysynan keıin halqy esin jııa almaı otyr. Tájikter -eńbekqor halyq. Reseımen Qazaqstanda aýyr jumys istep, júrek jalǵap júr. Ózbekstannyń prezıdenti Qazaqstanǵa aqyl aıtqysh edi- marqum Karımov bes mıllıon ózbekke jumys taýyp bere almaı, halqyn Reseıge kiriptar qyldy. Demokratııashyl Qyrǵyzstanda ekonomıka kenjelep qaldy. Almaty qalasynyń Ishki jıyntyq ónimi búkil Qyrǵyzstannyń ishki jıyntyq ónimine teń.
Zelenskıı, Ýkraınanyń múddelerin batyl qorǵaıtyn bolady. Ol Reseıden Qyrymdy qaıtarýdy talap etedi, Shyǵys Ýkraınadan - Donbass pen Lýgansk ólkesinen Reseıdiń áskerin shyǵarýdy talap etip otyr. Aıtaıyn degenim, Ýkraına basshylyǵy AQSh pen Eýropalyq Odaqqa Reseıdiń ımperııalyq saıasatyn áshkerelep otyratyn bolady. Sonda Ýkraınanyń jańa prezıdenti Reseımen soǵys ashamyn demeıdi. Beıbit jolmen óz jerin qaıtaryp almaq. Bul óte durys saıasat.
Zelenskıı Reseıdiń abyroıyn Batys elderi aldynda tógip, Reseıge Batys elderiniń ekonomıkalyq, qarjylyq, personaldyq sankııalar arqyly qysym jasaıdy. Olaı bolsa bul Reseıge úlken taýqymet bolmaq. Ýkraınanyń jańa prezıdentin AQSh pen Eýropalyq Odaq tolyq qoldaıtyn bolady. Sebebi, Ýkraınanyń buryńǵy prezıdenti Poroshenkonyń Reseıde óz bıznesi boldy. Sondyqtan ol Reseımen pármendi túrde kúrese almady.Poroshenkonyń korrýpııasy da boldy.
Budan shyǵatyn qorytyndy: Reseı Ýkraıny baǵyndyra almaıdy. Olaı bolsa bizge aýyz salmaıdy.El aman jurt tynysh bolady.
Ázimbaı Ǵalı
"Adyrna" ulttyq portaly
