Mäjılıs deputaty Ermūrat Bäpi Nazarbaevtyŋ oligarhtary halyqtyŋ qaryzyn jauyp beruı kerek degen mälımdeme jasady. Ol būl mäselenı halyqty nesielendıruge arnalǧan parlamenttık tyŋdau barysynda köterdı, dep habarlaidy «Adyrna» tılşısı.
«Halyqtyŋ qaryzyn ızdeu mäselesınen myna dünienı qozǧaǧym keledı. Prokuratura, sızder eskı Qazaqstannyŋ halyq aldyndaǧy qaryzyn nege ızdemeisızder? Sauyqtyramyz dep Ūlttyq qordan bankterge berılgen trilliondaǧan teŋge qaryzdy qaitarudy nege talap etpeisızder? Sızder halyqtyŋ qaryzyn emes, bırneşe banktı bırıktırıp, qyruar sauyqtyru qarjysyn bır bankke jinastyryp, onyŋ barlyǧyn sypyryp alyp ketken Nazarbaevtyŋ oligarhtaryna tiesılı bankterdıŋ halyqqa bereşek qaryzyn nege öndırıp almaisyzdar?» - dedı deputat.
Ermūrat Bäpi eger osy trilliondar qaitarylsa, halyqtyŋ qaryzyn ekı-üş, tıptı ondaǧan ese öteuge bolatynyn atap öttı.
Sondai-aq deputat zaŋsyz şyǧarylǧan aktivterdı öndırıp alu turaly zaŋnyŋ qalai oryndalyp jatqany turaly saual tastady.
Bas prokurordyŋ orynbasary Jandos Ömıräliev būl baǧytta jūmys jürgızılıp jatqanyn atap öttı.
«Bügınde auqymdy jūmystar jürgızılude. Elge 900 milliard teŋgege juyq aktiv qaitaryldy. Būl rette aqşa ǧana emes, mülık, jer uchaskelerı de qaitaryldy. Reglamenttı eskere otyryp, sızben qosymşa kezdesuge jäne qajettı aqparatty beruge daiynmyn»,—dedı ol.
Ūqsas jaŋalyqtar
