Mäjılıs deputaty Ermūrat Bapi Ükımettıŋ Alphard kölıkterıne bailanysty bastamasyna pıkır bıldırdı, dep habarlaidy "Adyrna" ūlttyq portaly.
Jurnalister Mäjılıs deputatynan «Alfard» aidaityndar, taksi jürgızuşılerı, «jūmysymyzǧa tosqauyl qoiyp jatyr», dep renışın bıldırıp jatyr. Oŋ jaq röldı kölıkke, sonymen qatar oŋ jaqtan sol jaqqa rölı auysqan kölıkterdı jürgızuge tyiym salynady eken. Būǧan ne aitasyz?» dep sūrady.
Ermūrat Bapi taksi qyzmetı eldegı jūmyssyzdyqtyŋ bıraz mölşerın jauyp tūrǧanyn aitady.
- Osyǧan bailanysty taksi jürgızuşılerınıŋ narazylyǧyna qosylamyz. Degenmen eldegı, äsırese küre joldardaǧy apatty jaǧdailardyŋ barlyǧyn saralai kelgende, bilık tarapynan qoiylǧan talapty da tüsınuımız kerek. Menıŋ oiymşa, būl bastama älı jüzege asqan joq. Eger bız oŋ jaq rölge tyiym salatyn bolsaq, Qazaqstanǧa kelgen avtokölıktıŋ, äsırese ūzaq jolǧa jüretın mikroavtobustardyŋ üşten bır bölıgı oŋ jaq röldı kölık ekenın nazardan tys qaldyrmauymyz kerek. Bıraq, bilıktıŋ şeşımıne öre türe kelıp, qarsy şyǧatyndai pıkır joq. Äite de, halyqtyŋ eŋ basty jūmyssyzdyq jaǧdaiyndaǧy, tabys deŋgeiınıŋ tömen ekenın eskere otyryp, Ükımet paiymdaidy dep oilaimyn.
Bız būl mäselenı talqylau barysynda «Rölı oŋ jaqtan sol jaqqa auystyrylǧan kölıkterdıŋ tehnikalyq jaǧdaiy qiyn» degen söz aityldy. Onyŋ qanşalyqty şyndyq nemese jalǧan aqparat ekenın bılmeimın. Bıraq soŋǧy kezderdegı küre joldardaǧy apat saldaryna «Oŋ jaqtaǧy röl sol jaqqa auystyrylǧany sebep boldy» degen aqparat bar. Men tehnikalyq maman bolmaǧandyqtan naqty pıkır aita almaimyn. Bıraq būl taqyrypta mämılelı şeşım bolady dep oilaimyn. Tehnikalyq baqylaudy küşeitu kerek älde basqalai şeşım qabyldauymyz kerek. Kezınde bız oŋ jaqtan sol jaqqa auystyruǧa rūqsat berdık, oǧan aqşa salyp, halyq şyǧyndaldy. Ol arzan dünie emes. Onyŋ barlyǧyn jasatyp alǧannan keiın, «Būǧan tyiym salynady» dep üzıldı-kesıldı şeşım qabyldasa dūrys emes dep oilaimyn. Būl vedomostvomen retteledı. Būl endı kelesı jyldan bastap küşıne enedı degen joba», – dedı ol.
Ūqsas jaŋalyqtar
