Almaty qalasynda Türkı Akademiiasy men M.O. Äuezov atyndaǧy Ädebiet jäne öner institutynyŋ bırlesıp ūiymdastyruymen körnektı aqyn, pedagog, Alaş qozǧalysynyŋ qairatkerı Maǧjan Jūmabaevtyŋ 130 jyldyq mereitoiyna orai «Maǧjan Jūmabaev mūrasy: türkı düniesınıŋ ruhani tūtastyǧy men tarihi sabaqtastyǧy» atty halyqaralyq ǧylymi-täjıribelık konferensiia öttı, dep habarlaidy «Adyrna» ūlttyq portaly Egemen.kz-ke sılteme jasap.
Is-şaraǧa ädebiettanu, tıltanu, önertanu, pedagogika salasy boiynşa Qazaqstannyŋ jäne şeteldıŋ ǧalymdary, halyqaralyq ūiym ökılderı, qoǧam qairatkerlerı jäne instituttyŋ ǧylymi qyzmetkerlerı qatysty. Jiyndy M.O. Äuezov atyndaǧy Ädebiet jäne öner institutynyŋ Bas direktory, QR ŪǦA korrespondent müşesı, filologiia ǧylymdarynyŋ doktory Kenjehan Matyjanov jürgızdı. Konferensiiada Türkı Akademiiasynyŋ vise-prezidentı Ashat Kesıkbaev söz söilep, Akademiia basşysy Şahin Mūstafaevtyŋ qūttyqtauyn jetkızdı. Sonymen qatar jiynda Qazaqstan Ǧylym jäne joǧary bılım ministrı Saiasat Nūrbektıŋ, Almaty qalasy äkımı Erbolat Dosaevtyŋ jäne Qazaqstan Jazuşylar odaǧynyŋ töraǧasy Mereke Qūlkenovtyŋ qūttyqtau hattary oqyldy. Konferensiia barysynda, Maǧjannyŋ aqyndyq älemı, Maǧjan Jūmabaev jäne HH-HHI ǧasyrdaǧy ädebi-mädeni bailanystar, maǧjantanu jäne türkologiia salasy, körkem ädebiettegı Maǧjannyŋ aqyndyq dästürı, Maǧjan Jūmabaevtyŋ aǧartuşylyq qyzmetı, Maǧjan Jūmabaevtyŋ qairatkerlık tūlǧasy jäne Alaş qozǧalysy, maǧjantanudyŋ qazırgı zamanǧy özektı mäselelerı jäne arhiv, muzei jäne sirek qoljazba derekterındegı Maǧjan mūrasy syndy zertteu baǧyttary boiynşa örbıdı. Basqosuda Myrza Ūlyqbek atyndaǧy Özbekstan Ūlttyq universitetınıŋ professory, filologiia ǧylymdarynyŋ doktory Nasimhon Rahmanov, QR ŪǦA akademigı, tarih ǧylymdarynyŋ doktory Mämbet Qoigeldı, Äl-Farabi atyndaǧy Qazaq ūlttyq universitetınıŋ professory Dandai Ysqaqūly, Euraziia ǧylymi-zertteu institutynyŋ direktory Suat Beilur, Türkı Akademiiasynyŋ ǧylymi qyzmetkerı, folklortanuşy Aqedıl Toişanūly, Qazaqstan Jazuşylar odaǧy töraǧasynyŋ orynbasary Bauyrjan Jaqyp, Qyrǧyz Respublikasynyŋ Ūlttyq Ǧylym Akademiiasy Ch.Aitmatov atyndaǧy Tıl jäne ädebiet institutynyŋ Qyrǧyz ädebietı bölımınıŋ jetekşısı, filologiia ǧylymdarynyŋ doktory Keldıbek Qoilubaev, M. Äuezov atyndaǧy Ädebiet jäne öner instituty «Qoljazba jäne tekstologiia» ǧylymi-innovasiialyq ortalyǧynyŋ direktory Jūmaşai Raqyş zertteu taqyryptary boiynşa baiandama jasady. Sonymen qatar jiynda M. Jūmabevtyŋ şyǧarmalarynyŋ üş tomdyq akademiialyq tolyq jinaǧynyŋ tūsaukeserı öttı. Türkı Akademiiasynyŋ qoldauymen baspaǧa äzırlengen jinaqtyŋ bırınşı tomyna aqynnyŋ öleŋderı toptastyrylsa, ekınşı tomǧa poemalary men äŋgımesı, audarmalary engızılgen. M.Jūmabaev äzırlegen oqu qūraldary men maqalalary üşınşı tomǧa toptastyrylǧan. Barlyq şyǧarmalaryna ǧylymi tüsınıktemeler berılgen. Konferensiia aiasynda Ǧylym Ordasy RMK Ortalyq ǧylymi kıtaphanasy Maǧjan Jūmabaevtyŋ şyǧarmaşylyǧyna arnalǧan kıtap körmesın ūiymdastyrdy. Ǧylymi otyrystan keiın qonaqtar M. Äuezov mūrajai-üiınde kinorejisser, dokumentalist Halil Omarov tüsırgen «Maǧjan Jūmabaev» derektı filmın tamaşalady.«Adyrna» ūlttyq portaly
Ūqsas jaŋalyqtar
