Ánarý Qaldybekqyzyn zorlady dep aıyptalǵan boksshy BAQ ókilderin shaqyrǵan konferenııasyna kelmedi, dep habarlaıdy “Adyrna” ulttyq portaly.
Bokshsy Janqosh Turarov jelidegi paraqshasynda dúısenbi kúni baspasóz konferenııasyn ótkizip, jaǵdaıǵa baılanysty málimdeme jasaıtynyn aıtqan edi. Alaıda sportshy búgin jýrnalıster jınalǵan otyrysqa kelmedi.
Onyń advokaty Samat Mamytov konferenııaǵa qatysyp, BAQ suraǵyna jaýap berdi.
Advokat Janqosh pen Ánarý Qurmanáliniń áleýmettik jeli arqyly tanys bolǵandaryn rastady.
«Ekeýi áleýmettik jeli arqyly tanys. Hat jazysyp turǵan. Biraq ol hatta qandaı áńgime aıtylǵanyn men bilmeımin. Qazir sizderge qylmystyq is materıaldarynan aqparat bere aıta almaımyn. Sebebi biz málimetterdi jarııalamaý týraly qujatqa qol qoıdyq», - dedi Samat Mamytov.
Odan bólek, sportshynyń advokaty “zorlandym” degenge boıjetkenge sportshynyń aqsha usynǵany týraly aqparatty joqqa shyǵardy.
«Qazir biz birneshe nusqany qarastyryp jatyrmyz: birinshisi – dert nemese psıhıkalyq sıpattaǵy aýytqý; ekinshisi – haıp, tanymal bolý nemese bireýdiń tapsyrysy. Ne bolmasa basqa faktorlar, men olardy qazir aıta almaımyn»-dedi.
Konferenııada bokshsy Janqosh Turarovtyń qazir 28 qyrkúıekte Almatyda ótetin saıysqa daıyndalyp jatqany aıtyldy.
Al advokat tergeý qorytyndysyn kútýdi surady.
