Elımızde qūmar oiynǧa äues azamattarǧa nesie beruge tyiym salynady, dep habarlaidy «Adyrna» ūlttyq portaly.
Stan.kz aqparat agenttıgınıŋ mälımetıne säikes, qarjy naryǧyn retteu agenttıgı qūmar oiyndarǧa arnalǧan nesienı şektemek. Būdan bylai zaŋda «qūmar oiynǧa äues» tüsınıgı paida bolady. Mūndai sanatqa soŋǧy alty ai ışınde oiyn biznesın ūiymdastyruşyǧa 300 myŋ teŋgeden astam somaǧa kemı üş ret tölem jasaǧan adamdar jatqyzylmaq. Qaryz aluşynyŋ jiı oinaityny anyqtalsa, merzımı ötken nesiesı nemese mikrokreditı bolsa, aqşa berılmeidı. Sonymen qatar bäs tıguge täueldılerge 0,25 paiyz deŋgeiındegı qaryz jüktemesınıŋ eŋ joǧary mölşerı engızıledı. Sol arqyly qūmar oiyndarǧa qatysu üşın qaryz berudı qataŋdatu josparlanyp otyr. Psihologtardyŋ pıkırınşe, oiynǧa äuesterge eşqandai şekteu toqtam bola almaidy. Tıptı, qamap ūstasaŋ da, amalyn tabatynyn aitady. Sondyqtan bılıktı mamandardyŋ kömegıne jügınıp, emdeluı qajet.«Körıp qoiyp, aqşa salyp qoia beremın dep moiyndaityn bolsa, būl – alǧaşqy qadam. Demek būl täueldılıkten aiyǧuǧa ärı emdeluge mümkındık bar. Eger ai saiyn bır ret 300 myŋ salatyn adamǧa ony būǧattamaimyz deu mäselenı şeşpeidı. Ol bärıbır basqa jolyn tabady», – dedı psiholog Jannūr Däurenbekova.Sondai-aq memleket şekteu şaralarynan bölek, psihologiialyq mädeniet pen sauattylyqty arttyruǧa küş salǧany jön deidı. Aituynşa, bäs tıguge täueldı kısı aldymen özı üşın oiyn qūmar ekenın moiyndauy qajet.
«Adyrna» ūlttyq portaly
Ūqsas jaŋalyqtar
