Qazaqstandyq oquşy qyzdar endı sabaqqa oramalmen qatysa alatyn boldy, dep habarlaidy "Adyrna" ūlttyq portaly.
Joǧarǧy sot balalardyŋ bılım alu qūqyǧy şektelıp jatqanyn atap ötıp, bılım beru ūiymdaryna būl tyiymdy zaŋsyz dep tapty.
Būl aqparatty qūqyq qorǧauşy Jaslan Aitmaǧanbetov Instagram paraqşasynda Joǧarǧy sot oblystyq sottyŋ şeşımın joqqa şyǧarǧanyn habarlady.
"Joǧarǧy sot qyzdardyŋ mektepte oramal taqqanyna bailanysty balalardyŋ bılım alu qūqyǧy men oramal mäselesıne nükte qoidy. Joǧarǧy Soty oblystyq sottyŋ şeşımın būzyp, oquşynyŋ oramalyna bailanysty şekteuler bılım alu qūqyǧyn būzady dep tanydy. Balalardyŋ qūqyqtaryn qorǧauǧa bırneşe zaŋger men belsendıler qatysty", – deidı qūqyq qorǧauşy.Qorǧauşy būl şeşımdı tört oblystyŋ sottary da moiyndaǧanyn habarlady.
"Ministrlık oramalmen küresıp jatqanda, Qazaqstanda balalar arasyndaǧy suisid pen zorlyq-zombylyq köbeiıp kettı. Būl öte ökınıştı. Qalai bolǧanda da sot bilıgı ministrlıktıŋ ūstanymyna emes, zaŋ normalaryna qaraityny jaqsy", – dedı ol.Qūqyq qorǧauşynyŋ būl jazbasy jelıde bıraz talqylandy.
"Balaǧa mektepte oramal taǧudyŋ qajetı joq dep oilaimyn. Qazır balalar öte qatygez, olar mūny mazaq qyluy mümkın. Ekınşıden, būl – qyzdyŋ emes, ata-anasynyŋ qalauy. Qyz össın, oramal taǧa ma, joq pa, özı şeşedı”, – dedı jelı qoldanuşysy.Būǧan deiın oqu-aǧartu ministrı Ǧani Beisembaev bılım oşaqtarynda barlyq oquşynyŋ mektep formasyn kiiuı maŋyzdy ekenın aitqan bolatyn. Ol bılım salasyna qatysty mäselelerdı basqa aspektılermen şatastyrmau keregın tüsındırdı.
Ūqsas jaŋalyqtar
