Ulttyq statıstıka bıýrosy Qazaqstandaǵy halyq sany týraly naqtylanǵan málimetterdi usyndy, - dep habarlaıdy "Adyrna" portaly.
Vedomstvonyń málimetinshe, 1 qyrkúıekte el halqynyń sany 19 mln 944 myń 726 adamdy qurady.
Respýblıka boıynsha 12 368 662 adam qala halqyna, 7 576 064 adam aýyl halqyna tıesili.
Jyl basynan beri el halqynyń sany 177 myń adamǵa ósti, onyń 172 myńy tabıǵı ósim esebinen (týylǵandar sany ólgender sanynan asyp tústi), 5,8 myń adam kóshi-qonnyń oń saldosy esebinen.
Óńirler arasynda eń kóp Almaty qalasynda – 2 205 929 adam. Odan keıingi orynda Túrkistan oblysy – 2 135 537 adam, Almaty oblysy – 1 522 182 halyq sany boıynsha alǵashqy úshtikti túıindep tur.
Astana halyq sany boıynsha tórtinshi orynda – 1 402 002 adam, Jambyl oblysy besinshi orynda, 1 221 619 adam.
«Halyq sany – belgili bir ýaqytta belgili bir aýmaqta turatyn adamdardyń sany.Jyl basyndaǵy aǵymdaǵy baǵalaýlar sońǵy halyq sanaǵynyń nátıjeleri boıynsha esepteledi, oǵan jyl saıyn týǵandar men kóship kelgender sany qosylady. Belgili bir aýmaqqa turaqty turýǵa kelgender jáne qaıtys bolǵandar men osy aýmaqqa kóship ketkender sany shegeriledi, osy aýmaqtaǵy turaqty turýy shegeriledi», - dep túsindirdi Ulttyq statıstıka bıýrosy.
Aıta keteıik, 2022 jyly Qazaqstan halqy 261 845 adamǵa ósti.
