9 qyrkúıekte Almaty qalasynda «Dombyrashylar odaǵy» Respýblıkalyq qoǵamdyq birlestiginiń ashylý saltanaty ótti, dep habarlaıdy «Adyrna» tilshisi.
Jıynǵa «Dombyrashylar odaǵyna» múshe bolǵan elimizdiń tanymal dástúrli ánshileri, kúıshileri qatysyp, sóz sóıledi.
«Dombyrashylar odaǵy» Respýblıkalyq qoǵamdyq birlestigi - 2021 jyly, tamyz aıynyń 10-shy juldyzynda quryldy. Qoǵamdyq birlestiktiń negizgi maqsaty ulttyq ónerdi keńinen dáriptep, jastardyń dástúrli ónerge qyzyǵýshylyǵyn oıatyp, ulttyq qundylyǵymyzdy damytý jolynda eńbek etý .
«Dombyrashylar odaǵy» Respýblıkalyq qoǵamdyq birlestiginiń negizgi sharty – birlestiktiń músheligine dástúrli ánshiler, jyrshylar men termeshiler qabyldanady.
«Dombyrashylar odaǵynyń» atqarar negizgi mindeti-halqymyzdyń dástúrli án ónerin, kúı ónerin jandandyrý, jas býyn ókilderiniń shyǵarmashylyǵyn qoldaý. Túrli baıqaýlar, baǵdarlamalar, konertter uıymdastyrý, sonymen qatar, dástúrli ándi damytý maqsatynda ekspedıııaǵa shyǵyp, kúı ónerin dáripteý.
Press-konferenııa barysynda Almaty qalasynyń óner ókilderine «Dombyrashylar odaǵy» Respýblıkalyq qoǵamdyq birlestiginiń kýálikteri men sertıfıkattary tabystaldy. Jıynda Ramazan Ómiráliuly Stamǵazıev, Sáýle Stahanshylqyzy Janpeıisova, Nurjan Qabımoldauly Janpeıisov, Baıbosynova Uljan Malıkaıdarqyzy, Gúlmıra Nálibaı jáne «Dombyra» Ulttyq telearnasynyń basshysy Qanat Qudaıbergenuly Erjigitov sóz sóıledi.
Birlestiktiń maqsatyn, jasaıtyn jumystaryn, qazyrgi tańda dástúrli ónerimizge qatysty bolyp jatqan máselelerdiń sheshimin qarastyrý joldaryn talqylap, jýrnalısterdiń suraqtaryna jaýap berdi. Múshelikke qabyldaný sharttary talqylandy. Sonymen qatar, jıyndaǵylardyń kótergen basty máselesi – «Dombyra» Ulttyq telearnasynyń tikeleı jerseriktik habar taratatyn OTAU TV qyzmetine qosý, Ulttyq ónerdi shalǵaı mekendegi halyqqa da kórsetý, tanytý.
«Dombyrashylar odaǵy» Respýblıkalyq qoǵamdyq birlestiginiń ashylý saltanatynda Qazaqstannyń eńbek sińirgen ártisi Ramazan Stamǵazıev:
«Dombyra Ulttyq arnasyn OTAU TV-ǵa kirgizý kerek. Dástúr jolynda júrgen ánshilerdi halyqqa dáripteýimiz tıis», dep óz oıyn bildirse, Sáýle Janpeıisova «Birlik kerek. Dástúrli óner ıeleriniń birligi kerek. Odaqtyń ashylýyndaǵy basty maqsat ta sol»-dedi.
Sonymen qatar, «Dombyrashylar odaǵy» Respýblıkalyq qoǵamdyq birlestiginiń tóreaǵasy Qanat Qudaıbergenuly Erjigitov OTAU TV máselesine basa nazar aýdaryp, «Dástúrli ónerdi tyńdaýshy kórermenimiz-aýylda!»- dep, Qazaqstanda 5000 aýyl bar ekendigin tilge tıek etti.
Uljan Baıbosynova «Ónerdegi jaýapkershilik-ómirimizdiń sońyna deıingi jaýapkershilik», dep baıandasa, Qazaqstannyń eńbek sińirgen qaıratkeri Nurjan Janpeıisov «Ózge odaqtar sekildi bul odaqtyń da atqaratyn qyzmeti óte kóp»-dep óz oıyn bildirdi.
Qazaqstannyń mádenıet qaıratkeri, jýrnalıst Gúlmıra Nálibaı da «Arnanyń OTAU TV-ǵa qosylýy shart. Sebebi, arna-ulttyq arna, ultqa qyzmet etetin arna» dep óz pikirin bildirdi.
«Dombyrashylar odaǵyn qurý – ońaı sharýa bolǵan joq. Búginde jas urpaq biraz qordalanyp qalǵan. Óıtkeni bizdiń ulttyq ónerimizdiń qamytyn kıip, ónerdiń kókparynda júrgen, talaı eńbek sińirip júrgen, aldyńǵy, ortańǵy jáne keıingi býyndaǵy qanshama bizdiń ónerpazdarymyzdyń aıtatyn, kórsetetin, jetkizetin dúnıesi qarapaıym halyqqa jetpeı jatyr. Kóptegen tusta únsiz qalyp, kórinbeı de qalyp jattyq. Sondyqtan Qazaqstandaǵy barlyq dombyrashylar bolsyn, dombyrashy-ánshiler bolsyn, jyrshylar, termeshilerdiń barlyǵy ulttyq ónerdi nasıhattaýy mindet. Endi búginde «Dombyrashylar odaǵy» quryldy. Respýblıkanyń dombyra ustaǵan jandarynyń bári odaqqa múshelikkke ótse, aldyǵa qoıǵan úlken belesterdi baǵyndyratynymyzǵa senemiz!» dep qosty Ramazan Stamǵazıev.
«Adyrna» ulttyq portaly
