Almaty qalasy ákimdiginiń ókilderi jýrnalısterge tolyqtaı derlik qalpyna keltirilgen ákimdik ǵımaratyn kórsetti, dep habarlaıdy "Adyrna" portaly. Bul týraly khabar.kz jazdy.
Kópke málim bolǵandaı, ol 2022 jylǵy qańtar oqıǵasy kezinde órtten qatty zardap shekken. Búgingi tańda tórt pavılonnyń úsheýi tolyq qalpyna keltirildi, qyzmetkerler qazirdiń ózinde onda jumys isteı alady.
Almaty ákimdiginiń órtengen tarıhı ǵımaratyn qalpyna keltirý úshin 17 mıllıard teńge jumsalyp, merdiger qurylys uıymdary qyzmetkerleriniń bir jyl jeti aı kúndik tynymsyz eńbegi qajet boldy. Qaıta qurýǵa qarajat respýblıkalyq bıýdjettiń rezervtik qorynan tústi.
[caption id="" align="alignnone" width="1081"]
foto: Almaty qalasy ákimdigi saıty[/caption]
Esterińizge sala keteıik, órt saldarynan ǵımarattyń 80 paıyzy qırap qaldy. Órt 6 qabat pen 4 pavılondy sharpyǵan. Órtke qarsy júıeniń iske qosylýy saldarynan jertóleden sý aǵyp ketken.
"Qaıta jóndeý kezinde tarıhı sáýlet kelbetin barynsha saqtaýǵa tyrystyq. Burynǵy fotosýrettermen salystyratyn bolsaq, bári sol kúıinde saqtalǵan. Munda ózgergen jalǵyz nárse - keńeıtilgen birinshi qabattaǵy qabyldaý bólmesi" dedi Almaty qalasy ákimi apparatynyń jetekshisi Beıbit Shahanov.
Ákimdiktiń qasbetindegi eski keńestik bes buryshty juldyzdar memlekettik rámizderi bar bareleftermen aýystyryldy. Qalpyna keltirý kezinde mańyzdy krıterıı azamattardyń barlyq sanattary úshin jaılylyq pen kedergisiz ortany qamtamasyz etý boldy. Atap aıtqanda, elektr lıftileri, múmkindigi shekteýli jandarǵa arnalǵan vanna bólmeleri jáne qozǵalys múmkindigi shekteýli jandarǵa arnalǵan arnaıy qural-jabdyqtar – belgiler, pandýstar, shaqyrý túımeleri, Braıl álipbıi paıda boldy. Ákimdiktiń birinshi qabaty Open Space Almaty konepııasyna sáıkes qaıta jańǵyrtyldy.
Jańartylǵan ákimdik ǵımaratynda órtten zardap shekken jıhazdar tolyǵymen qalpyna keltirilip qana qoımaı, jańa qyzmet túrleri de paıda boldy. Mysaly, birinshi qabatta front-ofıs nemese qoǵamdyq qabyldaý bólmesi ashyq. Azamattar osynda kelip, aryz-shaǵymdaryn qaldyra alady nemese tıisti mamandarmen kezdesip, qajetti keńester ala alady.
Jańartylǵan ákimdiktegi keńselerdiń konfıgýraııasy, kólemi men ornalasýy ózgerissiz qaldy. Ǵımaratta barlyǵy 700 oryndyq 360 keńse bar. Munda 14 basqarma men Almaty qalasy ákiminiń apparaty ornalasady. Injenerlik bóligi tolyǵymen jańartyldy - tirshilikti qamtamasyz etý júıeleri ıfrlandyryldy. Sondaı-aq ǵımaratta elektrondy qujat aınalymy júıesinde saqtaýǵa arnalǵan qýatty server ornatylǵan.
"Qaýipsizdik júıelerine sáıkes ǵımarattyń barlyq perımetri men barlyq ishki keńistikteri kameralarmen jabdyqtalǵan. Bul ǵımaratta barlyq kelýshilerdiń qozǵalysyn qadaǵalaýǵa múmkindik beretin beıneqabyrǵa bar. Adamdar men ákimdik qyzmetkerleriniń kedergisiz ótýi úshin qashyqtan qol jetkizýdi basqarý júıesi de qoldanyldy. Face ID júıesi paıdalanylady. Bul, shamamen aıtqanda, sáıkestendirýdi qajet etpeıdi. Skaner betti oqyp, kimniń, kimge, qandaı másele boıynsha kelgenin kóredi" dep jaýap berdi qurylys kompanııasynyń bas dırektory Ámirjan Nábıev.
Qala ákimshiligi barlyq qyzmetkerlerdiń jóndeýden ótken ǵımaratqa kóshýine shamamen eki apta qajet deıdi. Taǵy bir jarym aıda qurylysshylar tórtinshi pavılondy – 450 oryndyq konferen-zaldy qaıta jóndeýden ótkizedi. Ákimdik bıylǵy jyldyń sońyna deıin tolyqqandy jumysqa kirisedi.
Aıta keteıik, jańa ákimdik jumysqa daıyn bolǵanymen qarsy bettegi ǵımarattyń bir bóligi mataǵa oraýly kúıde tur. Ondaǵy jóndeý jumysy qashan aıaqtalary belgisiz.
