Şeşe!
Kışkentaiymyzdan bastap anamyz ömırden ötkenşe şeşe dep öttık. Bız üşın köke, şeşe degen ūǧymdar eŋ qasiettı ūǧymdar edı. Küllı qazaq üşın de solai.
Keiın şeşeden bastap boqtaudy kädımgı ädettegı köp boqtyqtyŋ bırı retınde qoldanǧandy körgende jüregım auyratyn. Şeşe sözın sol boqtyq üşın de auyz ekı tılde aitpaityn ūrpaq qalyptasyp kettı. Şeşem dep aitudan bır türlı bolady. Özımız de ornyna ana, anaşym dep ädebi terminde jazatyn, balalarymyz da solai ataityn boldy.
Bırde osy şeşe degen söz qazaqta qoldanystan bırte bırte şyǧyp ketedı-au dep oilaitynmyn. Sebebı, bügınde tūtas qoǧam mekteptegı äke-şeşenıŋ jinalysyn ata-analar jinalysy dep özgerttık. Äitpese ata basqa, äke basqa ekenın küllı qazaq jaqsy bıledı. Ata-apa, ata-äje jinalysy bolsa bır särı äitpese äke-şeşe, äke-ana jinalysy boluy kerek edı ǧoi... mümkın ūiqas quǧan qauym jaza salǧan şyǧar ata-analar dep...
Jä, aitpaǧym sol şeşe degen sözdı dümşe molda dın būzar degendei bır dümşe molda taǧy qorlapty. Şeşensınıp ketkende şeşe degendı qazaq ūǧymyndaǧy kökek ananyŋ aty degenge aparypty.
Jaman ittıŋ atyn börbasar deidı degendei keibır adamdar ony ūstaz dep jatyr. Ainalaiyn qazaqtyŋ qasiettı ūǧymdarymen oinaityn ol qandai ūstaz? Ūstaz emes nadan ǧoi.
Şeşe!
Menıŋ şeşem dep jazǧan qazaqtyŋ baiyrǧy aqyn-jazuşylary, küi şyǧarǧan küişılerı aqymaq eken da sonda, sözdıŋ parqyn bılmeitın!
Äke-şeşe qazaqta egız ūǧym, qasiettı ūǧymdar!
Osy qazaqtyŋ qasiettı ūǧymdaryna bırtındep şabuyldaityn qauym ne degen köbeiıp kettı...
Bırese mädenietı men aspabyna (dombyra), bırese dästürıne, bırese tılıne, sözıne...
Būndailarǧa tiym salmasa, qazaq tanymyn qūrdymǧa jıberedı!
P.S.
Şeşe,
Sen baqyttysyŋ!
Jylamaǧyn.
Jai tüsıp jatqanda da qūlamadyŋ.
Täŋırıŋnen men edım ǧoi sūraǧanyŋ,
Sondyqtan jylamaǧyn, jylamaǧyn!
Mūqaǧali Maqataev.
Ūqsas jaŋalyqtar
