Belgili ǵalym-qaıratker Serik Pirálıev ómirden ozdy

7552
Adyrna.kz Telegram
Belgili ǵalym, qaıratker, ustaz Serik Pirálıev ómirden ozdy. Qazaqstan ǵylymyndaǵy orny tolmys qaza jaıly Qazaqstan Respýblıkasy Ǵylym jáne joǵary bilim mınıstri Saıasat Nurbek habarlap, barsha shákirtterine kóńil aıtty, dep jazdy "Adyrna" ulttyq portaly. 
"Búkil sanaly ǵumyryn halyqqa bilim berý isine arnaǵan abzal azamat Serik Jaılaýulynyń ómirden ótýine baılanysty orny tolmas aýyr qaıǵyǵa ortaqtaqtasyp kóńil aıtamyn.
Pedagogıka ǵylymdarynyń doktory, professor, QR Ulttyq ǵylym akademııasynyń akademıgi Serik Jaılaýuly Pirálıev uzaq jyldar boıy elimizdiń jetekshi ýnıversıtetterinde, QR Bilim jáne ǵylym mınıstrliginde basshylyq qyzmetter atqaryp, salanyń damýyna zor eńbek sińirdi. Talantty shákirtter baýlyǵan ulaǵatty ustaz, el isine etene aralasqan kórnekti memleket jáne qoǵam qaıratkeri boldy. Otandyq ǵylymnyń qarqyndy damýyna aıryqsha úles qosty. Sonymen qatar qoǵamdyq isterge de atsalysyp, jurtshylyqtyń izet-iltıpaty men qurmetine bólendi. Jemisti qyzmeti joǵary marapattarmen atap ótildi.
Ardaqty aǵamyzdyń ónegeli ómir joly urpaqtan-urpaqqa úlgi bolyp, aqjarqyn asyl beınesi barsha jaqyndarynyń júreginde máńgi qalary sózsiz. Ǵalymnyń ǵumyr joly óskeleń urpaqqa árdaıym úlgi bolyp qala beretini anyq.
Marqumnyń jatqan jeri jaıly, topyraǵy torqa bolsyn!" - dep kúńirendi mınıstr.
Serik Jaılaýuly Pirálıev 1952 jyly Túrkistan oblysy, Túlkibas aýdany, Aqbıik aýylynda týǵan. Ol pedagogıka ǵylymynyń doktory, professor. Qazaqstan Respýblıkasynyń Ulttyq ǵylym akademııasynyń qurmetti múshesi. Qazaqstan Bilim Berý isiniń Úzdigi, Y.Altynsarın atyndaǵy memlekettik syılyqtyń ıegeri.
"Adyrna" ujymy ǵalym, ustaz, qaıratkerdiń barsha áriptesteri men úzeńgilesterine, shákirtteri men týǵan-týysqandaryna qaıǵyra otyryp kóńil aıtady.
"Adyrna" ulttyq portaly
Pikirler