Būrynǧy mädeniet jäne sport ministrı, Ūlttyq muzeidıŋ eks-direktory Arystanbek Mūhamediūlyna «Diplomat» qonaqüiın zaŋsyz iemdendı degen aiyp taǧyldy. Is elordanyŋ qylmystyq ıster jönındegı audanaralyq sotynda qaralyp jatyr, dep habarlaidy «Adyrna» tılşısı.
Eks-ministrge Qylmystyq kodekstıŋ 24-baby 3-bölıgı – 249-baby 1-bölıgı (reiderlık äreketke oqtalu), 28-baby 3-bölıgı – 250-baby 1-bölıgı (ökıletın terıs paidalanu arqyly qylmystyq qūqyq būzuşylyqty ūiymdastyru) boiynşa aiyptalyp otyr.
Aiyptau qorytyndysy boiynşa, 2019 jyly «Diplomat» qonaqüiıne ielık etıp otyrǧan K. esımdı käsıpker Mūhamediūlynan özınıŋ qonaqüiındegı mäselelerdı şeşu üşın materialdyq kömek sūraǧan. Sottaluşy oǧan 2,5 mlrd teŋge beruge kelısken, bıraq mūndai kömek üşın ol senımdı tūlǧa enesınıŋ atyna biznestıŋ 71%-yn resımdeudı talap etken. Osylaişa eks-ministr qonaqüidı tolyq iemdenıp almaq bolǧan.
Kelısımge qol qoiylǧan soŋ Mūhamediūly qonaqüige jiı keletın bolǧan. Keiın ol qonaqüidıŋ qalǧan 29% bölıgın berudı sūraǧan. Alaida käsıpker K. būl ūsynystan bas tartqan. Bırneşe uaqyttan soŋ aiyptaluşy «Diplomat» qyzmetkerlerıne özın osy keşen ielerınıŋ bırı retınde körsetıp, olardan JŞS direktoryn qonaqüige kırgızbeuın tapsyrǧan. Derekterge sai, artynşa Mūhamediūly serıktestık qatysuşylarynyŋ jinalysyn ūiymdastyryp, hattamany qoldan jasap, JŞS basşysy atanady.
Sotta Ūlttyq muzeidıŋ būrynǧy basşysy özıne taǧylǧan aiyppen kelıspedı.
Eske salaiyq, 2023 jyldyŋ 20 mausymynda Baiqoŋyr audanynyŋ №2 sotynda Arystanbek Mūhamediūly Qylmystyq kodekstıŋ 28-baby 3-bölıgı jäne 189-bölıgı 4-tarmaǧy 2-tarmaǧy boiynşa qūqyq būzuşylyq jasaǧany üşın 8 jylǧa sottalǧan edı.
2023 jyldyŋ 14 qyrküiegınde Astananyŋ apelliasiialyq sot alqasy būrynǧy mädeniet jäne sport ministrıne qatysty sot ükımın özgerıssız qaldyrdy.
Ūqsas jaŋalyqtar
