Moldovanyń eks-prezıdenti úı qamaýyna alyndy

2907
Adyrna.kz Telegram
Foto: en.news-front.info
Foto: en.news-front.info

Moldovanyń eks-prezıdenti Dodon úı qamaýyna alyndy. Bul týraly NewsMaker. portaly jarııalady, dep habarlaıdy "Adyrna" ulttyq portaly.

Sot eks-prezıdentti ızolıatorǵa ornalastyrýdy suraǵan prokýrordyń ótinishin ishinara qanaǵattandyrdy. Buǵan deıin Igor Dodon sybaılas jemqorlyq, zańsyz baıý, sondaı-aq, otanyna opasyzdyq jasady degen kúdikke ilingen.

Sonymen qatar, sot dál sol is boıynsha kúdikti Petr Merınıanýdy tergeý ızolıatorynda 30 kúnge qamady. Ol - Dodonnyń týysy.

2020 jyly burynǵy depýtat Iýrıı Renıe sol kezdegi prezıdent Igor Dodon Dempartııanyń jetekshisi Vladımır Plahotnıýk pen onyń orynbasary Sergeı Iaralovpen kezdesken vıdeony jarııalady. Vıdeoda Dodon Plahotnıýkten paket alǵan. Depýtattyń aıtýynsha, onda qomaqty aqsha bolǵan. Kezdesý 2019 jylǵy maýsymda ótken, birneshe kúnnen keıin Plahotnıýk elden ketken.

2020 jylǵy maýsymda Sybaılas jemqorlyqqa qarsy prokýratýra Dodonǵa qarsy qylmystyq is qozǵaýdan bas tartty, óıtkeni qylmys belgileri anyqtalmaǵan. Bul sheshimdi Kıshınev soty qoldaǵan bolatyn, biraq 17 mamyrda Kıshınevtiń apellıaııalyq palatasy birinshi satydaǵy sot sheshimin joıdy.

Aıta keteıik, buǵan deıin Moldovanyń burynǵy prezıdenti Igor Dodon 72 saǵat qamaýǵa alynyp, onyń úıinde jáne Kalarash aýdanyndaǵy Dodonnyń basqa nysandarynda tintý júrgizilgen bolatyn.

"Adyrna" ulttyq portaly

Pikirler