Taldyqorǵanda jasóspirim Sherzat Polattyń qazasyna qatysty qylmystyq is boıynsha sot proesi ótti. 18 sáýirde jábirlenýshi Qarjaýbaı Nurymovtan jaýap alyndy, dep habarlaıdy “Adyrna” ulttyq portaly.
Nurymovtyń aıtýynsha, marqum Sherzat Polat sol kúni dúkenge telefon qýattaǵyshyn alýǵa barǵan.
«…Darhan Áskentaı mas boldy. Janyma kelip sóılegen kezde ishimdiktiń ıisi shyǵyp turdy. Syra men temeki alyp ketti. Sol ýaqytta marqum balam qýattaǵyshyn alýǵa keldi. Darhan qaıta keldi, onymen sóılesken kezde maǵan durys sóılemegenin baıqap qalǵan. Ishken adam endi boqtanyp sóıleıdi. Darhan shyqty, artynan bala shyqty. Tereze ashyq turǵan. Ekeýiniń joǵary tonda sóılesip jatqanyn baıqap qaldym. Men shyǵyp úlgergenshe bala uryp jiberdi. Ajyratyp aldym. Balaǵa eskertý jasadym.
Dúkenge kirip shyǵyp, Darhannan keshirim suradym. Aýrýhanaǵa aparaıyn, aqyńdy tóleıin, ishemin deseń, ony da bereıin dedim. Ol ári qaraı ketkendeı boldy. Keshirim suraǵanyma «keshirmeımin, balalardy shaqyramyn, balań densaýlyǵyn qoıyp tastaıdy» dedi. Balań jaýap beredi dep ketti. Sonda da eshkimdi shaqyrma, óz aramyzda shesheıik dedim. Kishkentaı bala, 16 jasta, sheshesinen boqtamaǵanda ondaı bolmaıtyn edi dep aıttym», – deıdi Qarjaýbaı Nurymov.
Sondaı-aq, Nurymov qylmyskerler ózderin “hýtordiń jigitterimiz” dep tanystyrǵanyn aıtty.
«Dúkenge Nurbol keldi, kólikte kámeletke tolmaǵan jas jigit boldy. Kólikten shyǵyp «kim?» dep surady. Balaǵa ashýlanyp ketpesin dep, «men soqtym» dedim. «Tanymaısyńdar ma, men Nurbolmyn, hýtorskıımin, biz Hýtordiń jigitterimiz» dedi. Nurbol mas eken. Darhan jetim bala ǵoı, nege jetim balany urasyńdar dep aıtty. Ustap alyp, ony eshkim urǵan joq», – dedi Nurymov.
Qarjaýbaı Nurymovtyń sózinshe, marqum inisi Nurqanat Ǵaıypbaev Sherzattyń qazasyna qatysty qylmystyq istegi sottalýshynyń bárimen tanys bolǵan. Tipti sottalýshy Ravıl Sakıev pen Nurqanat Ǵaıypbaevtyń arasynda kıkiljiń bolǵan.
