Özı ömır sürıp otyrǧan kezeŋdegı keleŋsızdıkke azamat retınde ün qatqan jäne özı öner adamy bolǧandyqtan qazaq qoǧamyna kereǧar oqiǧanyŋ bärıne änderı arqyly qarsylyq tanyta bılgen adamdy bılesızder me?
Bılemız, bıraq ızdei bermeimız. Ūmytyp ketkenbız.
Ülken sarailarda jylyna qanşama konsert qoiylsa da, ony sahnadan körmeimız. Telearnalardan da solai… Al şyndap kelgende Mūqaǧali bolyp Fariza aqynǧa mūŋ şaqqan, jeltoqsan jelınıŋ yzǧaryn da, ana tılınıŋ aibynyn da özgeşe sezınıp, äldiımen näreste Tolǧanaimen syrlasqan änşı Äbiırbektı, kompozitor Tınälievtı ızdeuımız kerek edı. “Qazaqstannyŋ Halyq artisı ataǧy qaita berıletın boldy” degen äŋgıme şyqqanda Äbiırbek beinesı kölbeŋ ete qalǧany ras.
Öner – tabiǧat. Ol da kökteidı. Bürşık atady. Ol baptaǧanǧa bailanysty. Baǧbannyŋ peiılıne, kütuşınıŋ köŋılıne täueldı. Ūly önerdı jasaityndar da - solai, elınıŋ eskergenın, eŋbegınıŋ elengenın qalaidy. Bıraq özdıgınen özeurep alǧa entelemeidı. Eşqaşan… Men onyŋ änderınıŋ “şaŋ basqan arhivterde” qalmaitynyn bılem, öitkenı jylda jeltoqsan aiynyŋ bır künınde “Jeltoqsan jelı” är qazaqtyŋ ışıne “kırıp” boiyn jylytyp, ruh syilap ötedı. Sahnalardan körınbei-aq, qalyŋ körermennıŋ aldyna şyqpai-aq ÄN bolyp oralady. 37 jyldan berı solai!
Endeşe, “Qazaqstannyŋ Halyq artisı” degen ataqqa Äbiırbek Tınäliev laiyq. Al atalmyş ataqqa kielı sahnany aiaǧymen äbden bylǧap, auzymen äbden lastap önerdıŋ qadırın ketırıp, qūtyn qaşyrǧandardy jolatpaǧan jön. Betı jyltyrap ekrannan tüspeitınderdı emes, tasada qalǧan Äbiırbektei daryndardyŋ şyǧarmaşylyǧyn baǧalap, marapattaiyq. Talantsyzdardy tūsaulamasaq, tūlpar men esektıŋ qatar tūrǧany körer közge de süikımsız körınetını belgılı. Endıgı jerde öner adamdary soǧan abai boluymyz kerek. Arsyzdarǧa bärıbır bolǧanymen arly adamdar biıkke ūmtylatyn da kez jettı. Essızder alǧa şyǧyp, estıler keiın qalǧan kezeŋdı artqa tastar uaqyt keldı ǧoi dep oilaimyn.
Bekjan Tūrys
Ūqsas jaŋalyqtar
