Májilis Spıkeri, «AMANAT»partııasynyń Tóraǵasy Erlan Qoshanov Shanhaı yntymaqtastyq uıymy Jastar keńesiniń qoldaýymen «Jastar keńistigi: Ádiletti álem jáne kelisim» halyqaralyq jastar saıası lageriniń jumysyna qatysty.Jobany «AMANAT» partııasynyń «Jastar Rýhy» jastar qanaty uıymdastyrdy.
Erlan Qoshanov óz sózinde ShYU-ǵa múshe jáne baıqaýshy memleketterdiń aldynda turǵan mindetterdi iske asyrýdaǵy jastardyń róline toqtaldy.
«Qazirgi zamanda barlyq eldiń teń quqyqtyq negizdegi ózara is-qımyly úshin jaǵdaı jasaý asa mańyzdy. Sondyqtan Prezıdent Qasym-Jomart Toqaev Qazaqstannyń ShYU-ǵa tóraǵalyǵy barysynda «Ádiletti álem men kelisimdi jaqtaıtyn dúnıejúzilik birlik týraly» bastama usynýǵa nıetti ekenin málimdedi. Ol ShYU men onyń keńistiginiń odan ári damýbaǵdaryn aıqyndaıdy. Bul jumysqa ShYU-ǵa kiretin barlyq el jastarynyń belsendi aralasýy mańyzdy», - dedi ol.
«AMANAT» Tóraǵasy álemdik JIÓ-niń shamamen 30%-y jáne álemdik saýdanyń 15%-dan astamy ShYU-ǵa múshe elderdiń enshisine tıetinin atap ótti. Sonymen qatar, ShYU keńistiginde 3,5 mıllıardqa jýyq adam tursa, olardyń jartysy – jastar.
«Bul turǵyda ShYU – álemdegi eń «jas»halyqaralyq uıymdardyń biri. Sizder, jastar, Uıymnyń búgingi kúshin aıqyndap, onyń aldaǵy ondaǵan jyldyq bolashaǵyn bekitesizder. Munda Shanhaı yntymaqtastyq uıymy elderi jastarynyń eń órshil de maqsatshyl, bolashaqqa beıjaı qaramaıtyn ókilderi qatysyp otyr. Aldaǵy ýaqytta bizdiń lagerdiń delegattary óz elderiniń saıası elıtasy bolatynyna senimdimin», - dedi ol.
Budan soń Erlan Qoshanov Qazaqstandaǵy saıası reformalar men eldiń jańa ekonomıkalyq modelin qurý jónindegi jumysytýraly aıtyp berdi. Ol Qazaqstanda júzege asyrylyp jatqan jastar saıasatynyń mańyzdy tustaryna egjeı-tegjeıli toqtaldy.
Sondaı-aq, Májilis Spıkeri ShYU-ǵa tóraǵalyq etý aıasynda Qazaqstan belgilegen birqatar basymdyqty eske saldy. Olar ekologııa máseleleri, ásirese Ortalyq Azııadaǵy sý tapshylyǵy, esirtkige qarsy kúres jáne ıfrlyq saladaǵy yntymaqtastyqty keńeıtý. Erlan Qoshanov jastarǵa osy bastamalar boıynsha jumysqa belsendi aralasýdy, ShYU elderi deńgeıinde birlesken jáne kreatıvti jobalarǵa bastamashylyq etýdi usyndy.
Is-shara barysynda Qytaı Halyq Respýblıkasyndaǵy ShYU Jastar keńesiniń Ulttyq bóliminiń múshesi Ian zınveı; Qyrǵyz Respýblıkasy Mádenıet, aqparat, sport jáne jastar saıasaty mınıstriniń orynbasary Marat Taǵaev; Ózbekstan Respýblıkasy Olıı Májilisiniń zań shyǵarý palatasy janyndaǵy Jastar parlamentiniń múshesi Gýzal Abdýllaeva; ShYU Jastar keńesiniń Úndi Ulttyq bóliminiń múshesi, Halyqaralyq stýdentter odaǵynyń prezıdenti ShoýkatHashım; ShYU Jastar keńesiniń Reseı Ulttyq bóliminiń basshysy Alekseı Karpenko, Tájikstan Respýblıkasy Jastar odaǵy apparatynyń basshysy Farıdýn Hýsenzoda, Belarýs Respýblıkalyq Jastar odaǵy Ortalyq komıtetiniń birinshi hatshysy Aleksandr Lýkıanov sóz sóıledi.
Lager jumysyna shetelden jáne Qazaqstannyń barlyq óńirinen kelgen 300-den astam delegat, «AMANAT» partııasynyń Májilistegi depýtattary qatysýda. Jastar 20-23 qyrkúıek aralyǵynda semınar-trenıngterge qatysyp, óz elderiniń tájirıbesimen bólisedi jáne ShYU elderiniń ózekti máselelerin sheshý boıynsha pikirsaıystar júrgizedi.
