«AMANAT» partiiasy jaŋa jobany ıske qosty. Ol partiianyŋ kadrlyq aktivınıŋ funksionaldyq qūzyretterın damytuǧa baǧyttalyp otyr. Joba jergılıktı jerlerde käsıbi ärı tiımdı basqaruşy buyndy qalyptastyrudy közdeidı. Partiianyŋ Saiasi menedjment akademiiasy jaŋa formatta auyldyq okrugterdıŋ sailanǧan äkımderın, mäslihat deputattaryn jäne bastauyş partiia ūiymdarynyŋ ökılderın oqytu jūmysyn bastady. Jaŋa baǧdarlama basqaruşylyq qūzyretterdı arttyruǧa, köşbasşylyq qasietterdı damytuǧa, strategiialyq oilaudy jetıldıruge jäne memlekettık jobalyq basqarudy meŋgeruge baǧyttalǧan. Oqytu jūmysy Abai oblysynda bastalady.
Söz basynda Mäjılıs Spikerı, «AMANAT» partiiasynyŋ Töraǧasy Erlan Qoşanov älem qarqyndy özgerıp jatqanyn, jahandyq tūraqsyzdyq jaǧdaiynda jappai sifrlandyru men Jasandy intellekt jaŋa ömır şyndyǧyna ainalǧanyn atap öttı. Jaŋa syn-qaterlerge laiyqty jauap beru üşın Memleket basşysynyŋ bastamasymen elımızde auqymdy reformalar jürgızılude. Būl qadam azamattardyŋ el basqaru ısıne aralasuyn keŋeitude. «AMANAT» partiiasy jalpyūlttyq üderısterge tıkelei qatysady. Sondyqtan partiialastar jaŋa jaǧdaida alǧa qoiylǧan mındetterdı laiyqty ärı tiımdı oryndau üşın jaŋa qūzyretterdı belsendı türde meŋgeruı qajet.
«Bızdıŋ Prezidentımız halyqaralyq qatynastardyŋ moiyndalǧan mamany, älemdık deŋgeidegı diplomat retınde osyndai progressivtı ürdısterdı jaqsy bıledı. Memleket basşysy «Alǧan diplomyŋ ömır boiy azyq bolady» degen tüsınıktıŋ eskırgenın, onyŋ oryn «Ömır boiy oqy jäne üiren» degen qaǧida basqanyn ünemı aityp jür. Onyŋ üstıne, jaŋa Konstitusiiada adami kapitaldy damytu, bılım men ǧylym strategiialyq basymdyq retınde bekıtıldı. Būl bızdıŋ basty resursymyzǧa ainaldy. Sondyqtan osy baǧdardy basşylyqqa alǧan «AMANAT» partiiasy bügın jergılıktı kadrlardy oqytu baǧdarlamasyn bastap otyr. Olar özıne jauapkerşılık ala alatyn, tabandy, tiımdı şeşım qabyldai bıletın maman boluy kerek», – dedı Mäjılıs Töraǧasy.
Erlan Qoşanov sailanǧan auyl äkımderı, mäslihat deputattary jäne BPŪ ökılderı bügınde halyq senım artatyn, azamattar öz mäselelerın şeşu üşın jügınetın naǧyz öŋırlık elita ekenın erekşe atap öttı. Būl rette, auyl äkımderı memlekettık baǧdarlamalardy jüzge asyrudan bastap, äleumettık infraqūrylymdy damytuǧa deiıngı keŋ auqymdy mäselelerge jauap bere otyryp, ülken jükteme arqalap otyr. Öz kezegınde, mäslihat deputattary memleket pen qoǧam arasyndaǧy özara bailanystyŋ negızgı buyny retınde qarastyrylady. Azamattardyŋ senımı men öŋırlerdegı tūraqtylyq deŋgeiı olardyŋ käsıbi şeberlıgıne, kommunikasiia sapasyna tıkelei bailanysty. Partiianyŋ kün tärtıbın jüzege asyru ısınde 3800 BPŪ erekşe röl atqarady. Däl osy deŋgeide qoǧamdyq pıkır qalyptasyp, halyqpen kerı bailanys qamtamasyz etıledı.
Partiia Töraǧasy jaŋa oqu jobasy bolaşaǧy zor basqaruşylardy anyqtauǧa arnalǧan platformaǧa ainalatynyn erekşe atap öttı. Baǧdarlama aiasynda «AMANAT» partiiasynyŋ kadrlyq rezervı qalyptasyp, memlekettık jäne qoǧamdyq-saiasi qyzmette ılgerıletuge baǧdarlanǧan tiımdı ärı bäsekege qabılettı köşbasşylar daiarlanady.
Jaŋa oqu jobasyna qatysty pıkır bıldırgen «AMANAT» partiiasynyŋ Hatşysy Şolpan Karinova jaŋa oqu baǧdarlamasy qoldanbaly täsılımen erekşelenetınıne jäne zamanaui ǧylymi zertteulerge süienetınıne nazar audardy.
«Saiasi menedjment akademiiasy ūsynyp otyrǧan jaŋa bılım beru baǧdarlamasy täjıribelık baǧytymen erekşelenedı. Onda ärıptesterımız qyzmet barysynda kezdesetın türlı jaǧdaiǧa naqty şeşım ūsynylady. Baǧdarlama Nazarbaev Universitetı, AlmaU, SDU jäne BİL syndy jetekşı joǧary oqu oryndary ǧalymdarynyŋ qatysuymen äzırlendı. Äl-Farabi atyndaǧy Qazaq ūlttyq universitetı janyndaǧy Respublikalyq oqu-ädıstemelık keŋes oqytu baǧdarlamasynyŋ moduldık qūrylymyn maqūldady. Sondai-aq elımızdegı joǧary oqu oryndary būl oqytu modulderın öz baǧdarlamalaryna engıze alady», – dedı partiia Hatşysy.
Is-şara barysynda Memlekettık qyzmet ısterı agenttıgınıŋ Töraǧasy Darhan Jazyqbai memlekettık qyzmet salasynyŋ basşylyq qūramyn tolyqtyru barysynda «AMANAT» partiiasy müşelerınıŋ äleuetı aşyq ärı bäsekelı sifrlyq ırıkteuler arqyly belsendı paidalanylyp jatqanyn atap öttı. Istanbul Kent University ekonomika, äkımşılık jäne äleumettık ǧylymdar fakultetınıŋ dekany Hasret Chomak «AMANAT» baǧdarlamasy naqty nätijege negızdelgenın jäne saiasi şeşımderdı tūrǧyndardyŋ tūrmysyn jaqsartuǧa baǧyttaityn köşbasşylardy daiarlaudy közdeitının aitty. Abai oblysynyŋ äkımı Berık Uäli jaŋa moduldık baǧdarlama auyl äkımderınıŋ zaŋnamany ıs jüzınde qoldanu daǧdysyn qalyptastyruǧa baǧyttalatynyn, olar biudjettık resurstardy tiımdı basqarudy – biudjettık vertikaldı tüsınuden bastap, öz kırıs bazasyn damytudy, salyq tüsımderın arttyrudy jäne aumaqtardyŋ ekonomikalyq ösımın yntalandyrudy meŋgeretının atap öttı.
Sondai-aq ıs-şarada Ǧylym jäne joǧary bılım vise-ministrı Gülzat Köbenova, Nazarbaev Universitetı Joǧary memlekettık saiasat mektebınıŋ professory, italiialyq saiasi tehnolog Rikardo Pelisso, Soltüstık Qazaqstan oblysy Maǧjan Jūmabaev audany mäslihatynyŋ töraǧasy Aizada Rahmetova jäne «Jetıgen» BPŪ töraǧasy, Alatau qalasy Jetıgen şaǧyn audanyndaǧy №11 orta mekteptıŋ muzyka pänı mūǧalımı Anastasiia Melnik, Atyrau universitetınıŋ rektory Salamat İdrisov, Şyǧys Qazaqstan universitetınıŋ rektory Mūhtar Tölegen jäne Toraiǧyrov universitetınıŋ rektory Nūrlan Medetov söz söiledı.
Jaŋa oqu baǧdarlamasynyŋ bastaluyna memlekettık organdar men akademiialyq qauymdastyq ökılderı, sondai-aq beinekonferensiia bailanysy arqyly partiianyŋ öŋırlık filialdarynyŋ qyzmetkerlerı qatysty.
«AMANAT» partiiasynyŋ baspasöz qyzmetı,
Surettı tüsırgen: Äli Ǧalym
