«AMANAT» Töraǧasy Erlan Qoşanov beinekonferensiia bailanysy arqyly Konstitusiiaǧa özgerıster men tolyqtyrular engızu jönındegı referendumdy qoldau üşın partiianyŋ respublikalyq ştabynyŋ alǧaşqy jiynyn ötkızdı, dep habarlaidy “Adyrna” ūlttyq portaly.
Jiyn barysynda Erlan Qoşanov Prezidenttıŋ jalpyūlttyq referendum ötkızu bastamasyn qoldau jönındegı «AMANAT» partiiasynyŋ mälımdemesın jariialady.
«Prezident Qazaqstan halqyna jariialaǧan biylǧy Joldauynda auqymdy saiasi reformalar ūsyndy. Būl reformalardyŋ maqsaty – halyqtyŋ äl-auqatyn arttyru, superprezidenttık basqaru formasynan Parlament pen mäslihattardyŋ rölı küşeigen saiasi jüiege köşu, demokratiialyq prosester qarqynyn üdetu, eldegı bırlık pen yntymaqty arttyru», - delıngen mälımdemede.
Partiia Töraǧasy auqymdy reformalar sailau, partiialyq jäne sot-qūqyqtyq jüiesın, aumaqtyq-territoriialyq qūrylymy men memlekettık bilıktıŋ bölınu prinsipın tübegeilı özgertetının atap öttı.
«Būl – Ekınşı Respublikanyŋ saiasi ırgetasy. Prezidenttıŋ osy tarihi şeşımderı – jaŋa ärı ädılettı Qazaqstan qūru jolynda jasalǧan ırı qadam. Mūnyŋ barlyǧy saiasi bäsekelestıktı küşeituge jol aşyp, Qazaqstan azamattaryna jaŋa ärı teŋ mümkındıkter beredı. Memleket basşysy ūsynǧan keşendı reformalardy jüzege asyru üşın Konstitusiiaǧa 33 özgerıs pen tolyqtyru engızu qajet. Atalǧan özgerısterdı qūqyqtyq tūrǧyda bekıtu üşın Prezident respublikalyq referendum ötkızudı ūsyndy. Konstitusiiany jalpyhalyqtyq dauys beru arqyly özgertu –«memlekettık bilıktıŋ bırden-bır qainar közı – halyq» degen prinsiptıŋ ıs jüzınde oryndaluynyŋ aiǧaǧy. «AMANAT» partiiasy Konstitusiialyq reformanyŋ maŋyzdylyǧyn tereŋ tüsıne otyryp, aldaǧy referendumdy ötkızudı tolyq qoldaidy!», - dedı Erlan Qoşanov.
Onyŋ aituynşa, bükılhalyqtyq referendum memlekettıŋ naqty özgerısterge bet būrǧanyn körsetıp otyr,sondyqtan partiia barlyq küş-jıgerın konstitusiialyq reformany qoǧamdyq qoldaudy ūiymdastyruǧa baǧyttauǧa daiyn.
Aqparattyq-tüsındıru jūmystary men ıs-şaralardy ūiymdastyru üşın partiia respublikalyq jäne 17 öŋırlık ştab qūrdy. Olardyŋ qūramyna ortalyqtaǧy jäne öŋırlerdegı «AMANAT» aktivterı kırdı. Būl jūmysqa Parlament pen mäslihattardaǧy fraksiia deputattary, ziialy qauym ökılderı, mädeniet pen sport qairatkerlerı, jastar qanaty men öŋırlerdegı filialdar atsalysady. Partiia müşelerı öŋırlerde jäne şalǧai eldı mekenderde sailauşylarmen kezdesedı.
«Memleket basşysy ūsynǧan reforma – Qazaqstannyŋ strategiialyq bolaşaǧyn aiqyndaityn bastama. Bız aşyq, örkendegen, zaŋ üstemdık etetın, teŋdık ornaǧan qoǧam qūrudy közdep otyrmyz. Prezident pen halyqtyŋ maqsaty ortaq, közdegenı bır. Sol sebeptı referendumǧa qatysu – barlyǧymyzǧa ortaq boryş! El taǧdyryn aiqyndaityn osynau maŋyzdy kezeŋde eşkım şet qalmauǧa jäne tarihi taŋdau jasauǧa tiıs. Egemen elımızdıŋ erteŋı – halyqtyŋ qolynda!», - dedı Erlan Qoşanov.
Jiyn barysynda ştabtardyŋ jūmysyn joǧary deŋgeide ūiymdastyruǧa qatysty bırqatar naqty tapsyrma berıldı.
“Adyrna” ūlttyq portaly
