Memleket därıgerlerge äleumettık qoldau körsetu şaralaryn jüielı türde küşeitude – AMANAT

«AMANAT» partiiasy densaulyq saqtau salasynyŋ bügını men keleşegı turaly aşyq äŋgımelesu maqsatynda elımızdıŋ barlyq öŋırındegı 600-den astam därıgerdıŋ, medbikelerdıŋ, ǧalymdardyŋ, medisinalyq ūiymdar basşylarynyŋ jäne sarapşylardyŋ basyn qosty. «Därıger Talks» partiialyq dialog alaŋynyŋ II otyrysyna qatysuşylar otandyq medisinada oryn alǧan jüielı mäselelerdı talqylap, ony şeşu joldaryn ūsyndy jäne öz täjıribelerımen bölıstı.

Söz basynda Mäjılıs Spikerı, «AMANAT» partiiasynyŋ Töraǧasy Erlan Qoşanov ıs-şaraǧa qatysuşylardy ötken Medisina qyzmetkerı künımen qūttyqtady. Ol därıgerlerdıŋ el ömırındegı erekşe rölın atap ötıp, densaulyq saqtau jüiesın damytu mäselesı ärkez Memleket basşysynyŋ nazarynda ekenın jetkızdı.
«Prezident Qasym-Jomart Toqaev atap ötkendei, medisina qyzmetkerlerı, beibıt künnıŋ batyrlary degen atqa laiyq. Bügınde otandyq medisina jarqyn nätije körsetude. Bızdıŋ därıgerlerımız sanauly memlekette ǧana qol jetımdı eŋ kürdelı transplantasiialyq otalar jasaidy. «AMANAT» partiiasymen bırge alǧa qoiǧan arman-maqsattaryŋyzǧa jetıp, azamattarymyzdyŋ densaulyǧy men tūrmysyn jaqsartu jolynda qaltqysyz qyzmet etıp kelesızder. Būl – bız üşın asa maŋyzdy», – dedı ol.

Mäjılıs Töraǧasy medisina qauymdastyǧynyŋ ökılderı «AMANAT»-tyŋ maŋyzdy tıregı ekenın atap öttı. Sebebı ärbır üşınşı medisina qyzmetkerı – partiia müşesı. Osy oraida, «Därıger Talks» platformasy otandyq medisinanyŋ özektı mäselelerı aşyq talqylanatyn jäne ony odan ärı damytu boiynşa maŋyzdy mındetter äzırlenetın bıregei alaŋǧa ainaldy. Mäselen, özektı taqyryptardyŋ bırı – auyldaǧy medisina qyzmetkerlerınıŋ tapşylyǧy. Atalǧan mäselenı şeşu maqsatynda auyldyq jerge köşıp barǧan 700-ge juyq medisina qyzmetkerıne byltyrdan bastap 100 ETJ (şamamen 9 mln teŋge) kölemınde köterme järdemaqy tölendı. Būl norma «AMANAT» partiiasynyŋ sailaualdy baǧdarlamasynda qarastyrylǧan edı.

Sondai-aq deputattyq korpus pen Densaulyq saqtau ministrlıgınıŋ bırlesken jūmysy arqyly medisina qyzmetkerlerıne bılıktılık sanattaryn berudıŋ jaŋa jüiesı özgertıldı. Myŋdaǧan därıger men medbike testıleusız balamaly bılıktılık deŋgeiın aldy. Būl – medisina qyzmetkerlerınıŋ partiiaǧa joldaǧan köptegen ötınışıne jauap retınde qabyldanǧan şeşım. Būǧan qosa, Mäjılıstegı «AMANAT» fraksiiasynyŋ müşelerı därı-därmekter men medisinalyq qyzmetterge 10% QQS engızuge qarsylyq bıldırdı.

Prezident tapsyrmasy boiynşa därıgerlerdı käsıbi saqtandyru jüiesı engızıldı: būdan bylai därıgerdıŋ qatelıgınen oryn alǧan şyǧyndar mamandardyŋ jeke qarajatynan emes, biudjet esebınen jabylady.

Alaida otandyq därılık preparattarmen qamtamasyz etu, MÄMS jüiesınıŋ aşyqtyǧy syndy bırqatar mäsele älı de bar. Medisina qyzmetkerlerıne qol jūmsau mäselesı tolyq şeşılgen joq. Bügınde medisina qyzmetkerlerınıŋ käsıbi qyzmetıne özge tūlǧalardyŋ kedergı keltıruınen qorǧaityn normalar küşeitıldı. Sonymen qatar «AMANAT» fraksiiasynyŋ müşelerı därıgerlerge qatysty zorlyq-zombylyq jasaǧan adamdar üşın jeke qylmystyq jauapkerşılık qarastyru mäselesı boiynşa tüzetuler engızuge bastamaşylyq ettı.

Sondai-aq ıs-şara barysynda Premer-Ministrdıŋ orynbasary Ermek Köşerbaev jäne Densaulyq saqtau ministrı Aqmaral Älnazarova söz söiledı. Al «Därıger Talks» partiialyq dialog alaŋyna qatysuşylar özderınıŋ jeke qalyptasu tarihymen bölısıp, ärıptesterımen bırge käsıbi syn-tegeurınderdı talqylady.

Mäselen, Qyzylorda qalasyndaǧy Köp beiındı oblystyq auruhananyŋ  №1 terapiia bölımşesınıŋ meŋgeruşısı, endokrinolog Elena Shai bolmaşy gormonaldyq aqaulardyŋ özı kürdelı mäsele tuyndatuy mümkın ekenın, sondyqtan täuekeldı uaqtyly anyqtap, em qabyldai bastau asa maŋyzdy ekenın aitty.
Qazaqstan medisinalyq turizm qauymdastyǧynyŋ prezidentı Kristina Krivestıŋ aituynşa, Qazaqstanda medisinalyq qyzmet qūny damyǧan elderge qaraǧanda aitarlyqtai arzan, alaida emdeu sapasy älemdık standarttarǧa sai keledı. Būl – elımızge keletın şeteldık medisinalyq turister üşın asa tartymdy. Jyl saiyn älemdegı 45 memlekettıŋ 10 myŋnan astam azamaty em qabyldau üşın Qazaqstanǧa arnaiy at basyn būrady.

Jetısu oblysy Aqsu audanynyŋ jedel järdem feldşerı Saiat Myrzahanov därıgerdıŋ tabandylyǧy men tapqyrlyǧy qanşalyqty maŋyzdy ekenın atap öttı. Mäselen, jaŋbyr joldy şaiyp, kölıkpen jüru mümkın bolmai qalǧan kezde, Saiattyŋ atqa mınuıne tura kelgen edı. Osylaişa, ol nauqasqa uaqtyly jettı.

Aqtöbedegı M.Ospanov atyndaǧy Batys Qazaqstan medisina universitetınıŋ radiologiia kafedrasynyŋ meŋgeruşısı Erbolat Iztıleuov adam papillomavirusyna qarsy ekpege nemqūraidy qaraudyŋ qaiǧyly saldaryna nazar audardy. Semeidegı perinataldyq ortalyqtyŋ neonataldyq blogynyŋ basşysy Güljazira Düisekenova jüktılıktıŋ 25-şı aptasynda düniege kelgen salmaǧy nebärı 470 grammdy qūraityn qyzdy därıgerler qalai aman alyp qalǧanyn aitty. Därıgerler 117 kün boiy närestenıŋ ömırı üşın kürestı.
Petropavl qalasyndaǧy Köpsalaly oblystyq balalar auruhanasynyŋ konsultativtık-diagnostikalyq ortalyǧynyŋ meŋgeruşısı Arlan Baltabekov apparattyq telemedisinany qoldanu barysyndaǧy jetıstıktermen bölıstı. Osy arqyly şalǧai auyldardyŋ tūrǧyndary oblys ortalyǧyna qatynamai-aq tar beiındı medisinalyq kömekke qol jetkızude. «Esen Foundation» qorynyŋ densaulyq saqtau salasyna qatysty jobalarynyŋ jetekşısı Leila İşbaeva Aqmola oblysy Selinograd audanynda «Baquatty audan» pilottyq jobasyn jüzege asyrudyŋ aralyq qorytyndysyn ūsyndy. Osylaişa, mentorlyq jüienı engızu arqyly auyldaǧy 300 mamannyŋ Astanadaǧy ärıptesterımen tıkelei keŋesu mümkındıgı paida boldy. Būl qadam sapaly älı jedel şeşım qabyldau deŋgeiın arttyruda.
Ortalyq klinikalyq auruhanadaǧy neirohirurgiia ortalyǧynyŋ jetekşısı Myŋjylqy Berdıqojaev pen Almatydan kelgen neirohirurg-därıger Marat Sarşaev qazaqstandyq därıgerler fransuz ärıptesterın oqytyp jatqanyn mälımdedı. Elımızdegı eŋ köne auruhananyŋ neirohirurgtary şeteldık ärıptesterıne şeberlık saǧatyn ötkızıp, tıkelei efirde miǧa asa kürdelı ekı ota jasady.

Otyrys moderatory – belgılı telejürgızuşı İrina Ten.

Kezdesu soŋynda «AMANAT» partiiasynyŋ Töraǧasy Erlan Qoşanov jäne Densaulyq saqtau ministrı Aqmaral Älnazarova käsıbi qyzmetı barysynda elge sıŋırgen eŋbegı üşın bırqatar medisina qyzmetkerın marapattady.