«Búginde ár qazaqstandyq ózdi-ózinen elimizdiń, Otanymyzdyń dáýleti artýy úshin «Men ne istedim?» dep suraýy kerek. Eger ár azamat osylaı paıymdaıtyn bolsa, búkil elimiz óziniń damýyna qarqyn qosaryna meniń senimim mol.»
N.Á.Nazarbaev
Elbasy N.Á.Nazarbaevtyń «Uly dalanyń jeti qyry» atty maqalasy týǵan jerime, Otanyma degen mahabbatymdy oıatyp, júregimdi terbetti.o Osy maqalany oqyp shyǵyp keń baıtaq jerimizdiń men bilmegen tańǵajaıyp syrlarymen tanystym. «Uly dalanyń jeti qyry» maqalasynda Elbasy Almatynyń aport almalary, Esik óńirinen tabylǵan «Altyn adam» týraly baıandap, Qazaqstannyń o basta túrki áleminiń bastaý alǵan otany ekendigin shejire etip shertedi. Sonymen qatar, atqa miný mádenıetiniń qazaq jerinde qalyptasqanyn, arheologııalyq týyndylardyń biri – ań stıli alǵash qazaq jerinen tabylǵandyǵyn tilge tıek etedi. Bul maqalanyń ereksheligi-bizdiń týǵan jerimizdiń, týǵan elimizdiń keremetterin pash etip, dáripteýinde. Osyndaı tarıhy tereń, keregesi keń jerdiń urpaqtary myna biz ben siz osy maqalany jadymyzda saqtap, elimizdiń erteńi úshin aıanbaı eńbek etý kerekpiz.
Bolashaqta maman-jýrnalıst bolyp, kásibı eńbek jolymdy bastasam aýyl máselesin kóteretin edim. Kúnine birneshe ret shelektep sý tasıtyn, qys túskende otyn jaryp, pesh jaǵatyn, qurǵaq kúni saz keship, jańbyrly kúni adam turmaq kólik júre almaıtyn aýyldar jaıyn kórsetip, sol problemalardy qozǵaıtyn edim. Óz aýylym týraly aıtar bolsam, aýyl turǵyndary áli kúnge deıin pesh jaǵady. Úlken-úlken júk kólikteri kóp ótetindikten aýyl joldarynda shuńqyrlar paıda bolyp, aýyldyń jalǵyz kópiri qulaǵaly tur. Aýylymnyń irgesinde ornalasqan Kishi-Qaraǵaı eldi-mekeninde joldyń hali bizdikinen beter. Oqýshylar mektepke deıin 2-3 shaqyrymdaı jerdi jaıaý júrip keledi. Oqýshylarǵa arnalǵan kólik, joldarynyń nasharlyǵyna baılanysty balalardy aýyl syrtyndaǵy aıaldamaǵa tastaıdy. Ary-qaraı 1,5 shaqyrymdaı jol júredi. Arnaıy jaıaý júrginshilerge arnap temirden jasalǵan kópirleriniń jaǵdaıy múldem qorqynyshty. Kishkentaı bala turmaq, eresek adam ótýge qorqady. Minekeı, osy aýyldarǵa uqsas jaǵdaıy aýyr aýyldarda barlyǵy jaqsy bolýy úshin aıanbaı atsalysqym keledi.
Biz-búkil túrki dúnıesi bastalǵan Uly dalanyń perzentimiz. Munymen jáı maqtanyp qana qoımaı, týǵan jerdiń gúldenýine óz septigimizdi tıgizip, barynsha úles qosý-bizdiń perzenttik paryzymyz. Elimizdiń erteńi-bizdiń qolymyzda. Osyny árqashanda este saqtaıyq. Bul jaı aıta salǵan uran emes. Bul-bolashaq jýrnalıstiń aýyldyń kókeıtesti kóp máselesin sheshkisi keletin janaıǵaıy. Eger kógildir ekran arqyly kórermenmen qaýyshý baqyty buıyryp, telejýrnalıst bolsam, sol qulaǵaly turaǵn kópirden ótip, aýyldy aınalyp ótetin avtobýstar júre almaıtyn joldarmen júrip kórseter edim. Óıtkeni, ol-fakti, kádimgi kúndelikti ómirdiń shyrqyraǵan shyndyǵy. Mine, sol shyndyqty aıtyp, jeter jerge jetkizip, aýyl adamdarynyń rýhyn kóterip, joǵyn joqtap, muńyn muńdaý úshin jýrnalıst bolǵym keledi!
Tursynjan Laýra
Almaty oblysy Ile aýdany Álı aýylyndaǵy 22- orta mekteptiń 11 – synyp oqýshysy
